الأختبار الرياضي (ذكور)

بسم الله الرحمن الرحيم

عديت طبي ووصلنا الرياضي أعرف ان بمجرد وصولك للرياضي ف دا يوم فارق جدا في حياتك لانك بمجرد إنتهاءك من الرياضي كدا انت قطعت تذكرة لأختبار الهيئة طبعا فيه اختبار نفسي في النص بيهم بس اختبار روتيني وهو الاختبار الوحيد اللي قبل ما تدخله بيتحددلك اختبار الهيئة ☺

نركز ف الكلمتين عاوز رجالة تشرفني في الرياضي ✋

مبدائيا

*الاختبار الرياضي بيتحددلك في اليوم الثاني كشف طبي في حالة نجاحك طبعا 👌

*الاختبار الرياضي عموما بيبقي بعد الطبي بيومين كحد أقصي ✋ (يسمح بتأجيل الاختبار الرياضي لفترة تصل الي  يومين او تﻻتة بالكثير ويفضل الأ تزيد عن هذه المدة)

نخش ف المهم هنروح ازاي هنعمل ايه هناخد ايه معانا 😎

* حالق الدقن وتقصير السوالف وحلق الشعر علي مستوي 1 👌

*اللبس عادي قميص وبنطلون او تيشرت

* طبعا البطاقة وكارت التردد وأجرة موصلاتك وخلي معاك فلوس احتياطي لو انت من برا القاهرة 👌

*هاخد ايه معايا بقا عد معايا 👇

-مايوه

-مزيل عرق

-قلم أزرق

-ترنج أو شورت وفالنة جري او بنطلون رياضي

-فوطة

- متنساش مزيل #العرق

-طقم غيارات داخلية (فالنة وشورت)

-شراب

- برضوا متنساش مزيل العرق 😁

-ازازة ميه وتكون كبيرة ومثلجة

-صورتين شخصيتين لك ٤*٦ #اوعي_تنسي 👌

-اساسي لازم تبقي لابس كوتشي في اليوم دا مش هينفع جزمة خالص ✋ يفضل كوتشي رياضي علشان الجري

هنعمل ايه بالحجات دي بص معايا 👇

* المايوه 👈 للسباحة وهي اختياري فيما عدا الراغبين للالتحاق بالكلية البحرية ، ولقفزة الثقة وهي إجباري علي الجميع 😀

* قلم أزرق 👈 هتكتب بيه استمارة خاصة باﻻختبار الرياضي  👌

* الترنج او الشورت او الفالنة او البنطلون الرياضي 👈 حتي تتمكن من أداء الإختبارات بسهولة 👍

*الفوطة 👈 علشان تنشف وانت خارج من حمام السباحة بعد السباحة أو قفزة الثقة 🌊

* طقم الغيارات الداخلية (الفالنة والشورت) 👈 بعد كل العرق والجري اكيد هتعرق وهيكون الوضع مش تمام والريحة مش تمام ف لازم هتاخد شاور وطبعا دا بيبقي في حمام السباحة لما تقفز القفزة بعدها هتغير ملابسك وتلبس طقم داخلي نضيف 👏 (كل أفعالك تنعكس عليك تمام بالداخل نضافتك الشخصية اسلوبك اهتمامك بنفسك ) 😎

* الشراب 👈 طبعا بعد لما تقلع الشراب وانت رايح تنط قفزة الثقة هيكون اتبهدل بعد كل الحاجات اللي حصلت ف يفضل تاخد واحد تاني معاك واللي تقلعه متلبسوش تاني 👍

* زجاجة مياه 👈 اكيد علشان هتعطش 😂

* صورتين شخصيتين 👈 سيتم تدبيس واحدة منهم في ورقة أختبارك والأخري احتياطي 👌

......

#تفاصيل_اليوم

قبل ما ادخل ياريت تسمع الكلمتين دول الاعداد المطلوبة في التمارين دي عيل في اعدادي يقدر يعملها اشتغل علي نفسك كويس وهات اعداد فوق المطلوبة علشان تحسن مجموعك الرياضي وجايز تأخد نجمة التفوق الرياضي وتأكد ان كل عدد بتعمله بيتحسبلك يعني لو عملت 60بطن هيتكتبولك ف أسعي انك تجيب ارقام فلكية ابهرهم وقولهم دا انا 👏✋

وياريت تتعلم السباحة لنفسك عيب اووي لما هتبقي ظابط في المستقبل ومبتعرفش تعوم و علشان متخسرش الدرجات بتاعتها تفوقك الرياضي بيزود نسبة قبولك 90% دي نصحية اللهم بلغت 💙💙

نخش علي تفاصيل اليوم

1- أختبار الجري 1500 متر

*يقف جميع الطلبة علي خط البداية وعند اعطاء الاشارة البدء يقوم جميع الطلبة بالجري في خط السير المحدد لمسافة 1500متر (ياريت محدش يدخل قدام التاني الا لما يكون سابقه بلاش نزنق علي بعض علشان مش في مصلحتنا ) 😁😁

*هيكون فيه ميني باص صغير كدليل لخط السير وهتجري وراه

*بتجري علي طريق أسفلتي وغير مسموح بالجري علي الأرصفة

* لو وقعت لأي سبب قوم بسرعة وكمل جري علشان مش هتبان في النص و علشان الوقت مش هيقف ولا اختبارك هيتعاد

* لما توصل هيسمحلك بدخول الحمام للشرب والاغتسال متشربش علطول وانت لسه بتجري اغسل في خلال دقايق وهتاخد راحة من نص ساعة ل 40 دقيقة لما جسمك يهدي تبقي تشرب 👌

* يعتبر أصعب أختبار في الرياضي كله ويقيس مدي تحملك علشان كدا متمشيش ومتكسلش ولو حسيت بالتعب افتكر مستقبلك علي بعد دقايق فقط 👏

*نظم وقتك بلاش تجري علطول ظبك سرعتك في الجري علشان متتعبش 1500متر في 6 دقايق كتير جدا لو جبتهم في

6 دقايق هتاخد 40 درجة

6:30 ث هتاخد 30 درجة

7 دقايق هتاخد 20 درجة

أكثر من 7 دقايق صفر 👎

.....

2- اختبار العدو 100متر

يقوم كل طالب بالوقوف في حارة حتي يسمح اشارة البدء ثم يجري بأقصي سرعة مسافة 100متر

حساب النتيجة

في

حتي 14ث هتأخد 10 درجات

حتي 15ث هتأخد 8 درجات

حتي 16ث هتأخد 7 درجات

حتي 17ث هتأخد 6 درجات

طبعا مش هفكركم ان 14 ثانية كتير علي 100متر اي شخص طبيعي بالكتير 13ث 😀😀

.....

3- أختبار التوازن

دا أسهل الاختبارات

هتقف علي عارضة توازن ولما يدي أشارة البدء هتطلع تمشي علي العارضة ثم التحرك بخط مستقيم لنهاية العارضة المستقيم ثم العودة مرة أخري في خط مستقيم

التمرين لمرة واحدة فقط واذا وقعت تعتبر مقصر في الاختبار

ودا عليه 10 درجات 😀

4- العقلة البعبع اللي بيخوف ناس كتير 😀

علشان تجيب عقلة كتير ركز في الچيم علي القطانية والدراع والكتف هتفيدك كدا مطلوب من 10 عقلة علي الواسع قبضة ايدك للخارج وهترفع جسمك حتي تصل بذقنك فوق عارضة العقلة

كل عدة ب 4 درجات

الحد الأدني 4 عدات اقل هتعتبر ساقط

الحد الاقصي 10 عدات ولو قدرت تعمل اكتر هيتحسبلك

كل عدة غلط لا تحسب

الاختبار دا بيكون ليه اعتبار في كشف الهيئة وذلك لان نسبة كبيرة لا تستطيع عمله

..

5-البطن

*بتاخد وضع الرقود علي الظهر وثني الركبتين بحيث تكون الركبتين مضموتين

*يقوم الطالب بتشبيك أصابع اليدين مع تقاطع الابهام ووضعهما علي أعلي الصدر مع ملاصقة الكوعين للجذع طوال فترة أداء الاختبار

مدة الاختبار 90ث

وكل عدة بدرجة والغلط طبعا مش هتتحسب

مجموع الدرجات 40 درجة

وطبعا كل لما تعمل اكتر هيتحسبلك العدات وهينفعك في كشف الهيئة 😀😀

...

6- الضغط

طبعا كلنا عارفين شكل الاختبار الكابتن هيحط قبضة ايده علي الارض وهتنزل تلسمها بصدرك ثم الرجوع للوضع الابتدائي تاني  

ادني عدد 15 عدة اقل من ذلك تعتبر مقصر

اقصي عدد 40

كل عدة ب 1 درجة

لو تقدر تجيب اكتر طبعا هات 😀😀

...

7- السباحة

يقوم الطالب بالوقوف امام حافة حمام السباحة

يقوم الظابط بالنداءات التالية (خذ مكانك ثم اطلاق صفارة البدء)

عند سماع الطالب اشارة البدء يقوم بالقفز في الماء والسباحة بسرعة بدون توقف في خط مستقيم وفي الحارة المخصصة له حتي الوصول إلي خط النهاية

احتساب الدرجات

طول الحمام 50 متر في أقل من 60ثانية 20درجة

طول الحمام 50متر بدون زمن 15درجة

عرض الحمام 25 متر 10 درجات

وطبعا الاختبار دا اختياري لكل الكليات ماعدا الكلية البحرية إجباري

8- قفزة الثقة ودي اخر حاجة في اليوم الطويل دا 😀 *قفزة الثقة شرط اساسي للقبول بالكليات والمعاهد العسكرية 😀

*القفزة من إرتفاع 7ونص متر مرة واحدة فقط

*مدة الاختبار 3 ثواني بعد صفارة المعلم وتكون نطيت ولو اتأخرت تعتبر مقصر ومش هتكمل الاختبارات وهتروح 😕

*يتم اداء القفزة بطريقة عمودية بحيث يكون الجسم مستقيما ومعتدلا

طبعا ناس كتير بتخاف من الموضوع دا بس افتكر ان دا اخر اختبار في مستقبلك افتكر كل تعب وبهدلة في الكشف الطبي علشان توصل لهنا افتكر كل موظف وانت بتطلع ورقة ويقولك تعالي بكرة روح اعمل افتكر تعبك في القيود افتكر المشوار من البداية مش هتيجي هنا وترجع وتقول لا متضيعش حلمك علشان حاجة سهلة جدا لمجرد انك خايف 👏👏

بالتوفيق

نتيجة الرياضي

*تكون في نفس اليوم بعد الانتهاء من كل التمارين الرياضية

*يبدا اليوم الرياضي في 6ص وتبدا اولي الاختبارات في ال8ص ل11ص وتنتهي في حدود 2ظهرا وتظهر النتيجة في حدود 1 ل 4 عصرا

* تعلن النتيجة ويأتوا الناجحين للكلية الحربية في اليوم التالي لأداء الاختبار النفسي وتسليم ملف المرحلة التانية ، يبقي لازم تجهز اوراق المرحلة الثانية قبل الأختبار الطبي لأن الأيام بعده ستكون متتابعة ولن تجد وقت لتخليص الأوراق ، تكتب ملف المرحلة الثانية بالقلم الأسود