تعرف على أطول عملية قنص في التاريخ
اطول عملية قنص في التاريخ
يوم 22 يونيو 2017 صحي الناس المهتمه بمجال القناصه علي مستوي العالم علي خبر جابلهم صدمه نفسيه وهو ان فيه اتنين قناصه كنديين تبع وحده اسمها Joint Task Force 2 ودي تبقي اعلي فئه في القوات الخاصه الكنديه اللي هي حاجه كده زي الوحده 777 او 999 عندنا في الصاعقه المصريه .. المهم ان الاتنين قناصه دول قتلوا فرد من تنظيم داعش في العراق بطلقه ضربوها من علي مسافه 3,540 متر .. الرقم ده مش غلطه علي فكره .. هم قتلوا فرد من داعش من علي بعد 3.5 كيلومتر .. الاتنين اللي هم واحد قناص و التاني اسمه Spotter او مساعد القناص كانوا قاعدين فوق سطوح بيت و الطلقه عشان تطلع من البندقيه لحد ما وصلت للهدف احتاجت تقريبا 10 ثواني و استخدموا طلقه عيار نص بوصه او 0.5 Caliber و ضربوها من بندقيه قناصه اسمها McMillan TAC-50 .. سبب اني قلتلك ان اللي حصل ده جاب صدمه نفسيه للناس اللي مهتمه اوي بموضوع القنص ده ان اخر رقم متسجل لاطول عمليه قنص في التاريخ كان باسم قناص بريطاني اسمه (كريج هاريسون Craig Harrison) قتل واحد من طالبان في افغانستان سنه 2009 من مسافه 2475 متر .. الاسوا من كده ان الWebsite بتاع الشركه اللي بتصنع بندقيه القناصه McMillan TAC-50 بيقول ان اقصي مدي صحيح للبندقيه هو 1800 متر بعدها انت و شطارتك بقي يعني الاتنين قناصه الكنديين استخدموا البندقيه عشان يصطادوا هدف من علي بعد يعتبر ضعف المسافه اللي المصنع قالك عليها .. لحد دلوقتي الخبر خلص .. اللي حنحاول نشرحله في المقاله دي هو ازاي تبقي قناص بدون معلم .. احنا حنحاول نقولك هي الطلقه دي اتضربت ازاي بالورقه و القلم .. الموضوع فيه رياضيات و فيزياء كتير فلو انت من الناس اللي مش بتحب الرياضيات و الحساب خد بعضك و اقفل البوست
اطول 5 عمليات قنص في التاريخ و كمان مسار الطلقه اللي بنتكلم عنها و لاحظ ازاي الطلقه بدات تقع جامد في اخر لحظاتها في الجو
اولا انت عشان تبقي قناص كويس لازم تبقي شاطر اوي في الفيزياء و حساب المثلثات .. فيه كميه معلومات بيكون القناص عارفها ملهاش علاقه خالص بتدريبه العسكري و نسبه قليله اوي هي اللي تقدر توصفها علي انها معلومات لازم ضابط جيش يعلمهالك .. انت مثلا لو عايز تبقي قناص حتحتاج تعرف ان الطلقه عيار نص بوصه ممكن تطير لمسافه 7.5 كيلومتر .. بس انت محتاج تكون فاهم ايه هي الحاجات اللي بتأثر علي الطلقه وهي طايره في الجو ودي حد درس فيزياء و رياضيات و حساب مثلثلات هو اللي لازم يعلمهالك .. عندك الجاذبيه .. عندك سرعه و اتجاه الريح .. عندك هو انت ارتفاعك كام من علي سطح البحر .. عندك هو انت في مكان الضغط الجوي فيه كام .. عندك الرطوبه .. عندك حاجه اسمها تاثير كوريليوس او Coriolis Effect وده يمكن اهم عامل بيؤثر علي الطلقه وهي ماشيه في الجو .. انت عشان تقول علي نفسك قناص بتعرف تصطاد اهداف من مسافات بعيده لازم تكون عارف كويس اوي ازاي تحسب الحاجات دي كلها و تعرف هي بتؤثر ازاي علي مسار الطلقه .. في الشرح حنركز كلامنا علي 4 عوامل كانوا هم اهم العوامل اللي اثرت علي عمليه القنص اللي حنتكلم عنها:
الجاذبيه الارضيه
سرعه الريح
الضغط الجوي
تاثير كوريليوس او Coriolis Effect
حضرتك بمجرد ما بتضغط علي الزناد و الطلقه بتطلع من البندقيه فهي بتطلع شايله شويه طاقه .. وهي ماشيه الطاقه دي بتفضل تقل ولما الطاقه دي بتقل قدره الطلقه انها تقاوم تاثير الجاذبيه الارضيه هي كمان بتقل .. كل ما الطلقه طارت مسافه اطول و كانت ماشيه بسرعه اقل كل ما قدره الجاذبيه الارضيه انها تشدها ليها حتزيد ودي ظاهره بتتسمي Bullet Drop او ميل الطلقه .. الطلقه وهي ماشيه بتبدا تقع والكلام ده يمشي علي اي طلقه قناصه حتي الطلقه عيار نص بوصه 0.5 Caliber اللي بتضربها من بندقيه قويه اوي زي McMillan TAC-50 .. كل ما المسافه اللي بتطيرها الطلقه او الRange زاد كل ما الBullet Drop هو كمان بيزيد .. عشان كده وانت في الجيش لو اخدت فرقه قناصه بيقولك نشن فوق الهدف بشويه صغيرين العكس مع البنادق الاليه عشان رد الفعل بتاع ضرب النار بيخلي البندقيه تطلع لفوق بس ده ممكن نشرحه بعدين مش دلوقتي .. المشكله ان الاتنين قناصه الكنديين لما جم يصطادوا الهدف بتاعهم هم جابوه من علي مسافه 3,540 متر وده معناه ان لو القناص ضرب طلقته افقي يعني منشنش اعلي من الهدف زي ما اي مدرب ضرب نار بيعلمك وانت لسه طالب في الكليه الحربيه فالBullet Drop لحظه ما الطلقه جت في الهدف كان حيبقي 6,705 بوصه يعني حوالي 170 متر .. اهدي بقي و ركز في الرقم اللي انت لسه قاريه .. مسافه ال3.5 كيلومتر دي عشان اصطادك من عليها لازم اكون واقف فوق ناطحه سحاب عشان الطلقه وهي ماشيه بتقع فلما ان شاء الله الطلقه توصلك تيجي فيك لو انا نشنت افقي و ركز ابوس ايدك في النقطه دي
حسبلك الBullet Drop علي حسب المسافه اللي بتطيرها الطلقه .. الناتج النهائي بتاعه الحسبه اللي عملها الاتنين قناصين دول هي ان الطلقه لحظه ما جت في الهدف كانت بتطير بسرعه 282 متر في الثانيه ودي سرعه تعتبر اسرع من سرعه الطياره المدنيه الجامبو اللي هي بوينج Boeing 747 ودي سرعه اقل من سرعه الصوت و الطلقه وهي ماشيه كانت بتقع 50 سنتيمتر كل ما تمشي 30 سنتيمتر .. تاني الناتج ده لحظه اصابه الطلقه للهدف مش وهي طايره في الجو .. انا عارف ان فيه ناس مخها قريب يسيح .. معني الحسبه دي ان لازم الاتنين قناصه يكونوا قاعدين فوق سطح مبني او اي مكان تاني عالي .. بعد كده عن طريق العدسه بتاعه البندقيه بتبدا تعوض الBullet Drop بانك تنشن البندقيه لفوق الهدف .. بحسبه تانيه برده .. الطلقه احتاجت حوالي 7 ثواني عشان تطلع من البندقيه لحد ما تصيب الهدف و لحظه ما جت في الهدف سرعتها كانت 282 متر في الثانيه و ده معناه ان الطلقه دي بعد ما طارت اكثر من 3.4 كيلومتر كانت القوه اللي ضربت بيها الهدف كانت زيها زي ما اكون واقف قدامه باقل من متر و اضربه بطلقه من بندقيه
لما بتيجي تصطاد هدف من علي مسافات بعيده سرعه الريح بتكون عامل مهم اوي في حسبتك .. انت ممكن ريح بسيطه خالص سرعتها متعديش 1.5 متر في الساعه يعني يدوبك نسمه هوا معديه تخليلك الطلقه بتاعتك تبعد مسارها .. عشان بس تكون برده مستوعب الارقام .. لو انا معايا بندقيه قناصه و طلقه عيار نص بوصه 0.5 Caliber و بصطاد هدف علي بعد 400 متر فممكن ريح بسيطه زي ما قلتلك سرعتها متعديش 1.5 متر في الساعه تبعد الطلقه بتاعتي عن مسارها بمسافه تعدي 75 سنتيمتر .. لو انا بقي بصطاد هدف من علي مسافه 3800 متر فريح زي دي ممكن تفسحلي الطلقه بتاعتي بعيد عن الهدف بمسافه 9 متر .. ده معناه ان الاتنين قناصه كانوا المفروض يعملوا حسابهم ان الريح حتخلي الطلقه تبعد اكتر عن الهدف بمسافه حوالي 9 متر فده كمان بيخش في الحسبه
الضغط الجوي هو داله في ارتفاعك عن سطح البحر بس لو انت قناص بتصطاد هدف علي بعد 500 متر او اقل فانت العوامل زي الضغط الجوي و الرطوبه و درجات الحراره مش بتاخدها في حسابك و بتعملها Ignore .. الكلام ده مبيحصلش لما بتصطاد هدف علي بعد 3,540 متر .. القناص بيبقي معاه Wind Sensor و مقياس للضغط الجوي و بيكون معاه تقرير عن حاله الجو .. اللي بيعقد الدنيا هو انت بتضرب الطلقه الساعه كام .. انك لو بتضرب طلقه ساعه الفجريه فدي بتبقي حسبه ولو انت بتضرب نفس الطلقه علي نفس الهدف في عز الظهر بتبقي حسبه تانيه خالص
عشان مدخلكش في قصه كبيره .. عامل كبير في حسبه القناصه بيعتمد علي دائره العرض اللي انت عندها والتاثير ده بيبان اوي كل ما الهدف بعد عنك .. لو انت زي ما الاتنين قناصه الكنديين كانوا في العراق يعني في النص الشمالي من الكره الارضيه فالطلقه بتاعتك لما بتطلع بتحدف يمين .. العكس لو انت في جنوب افريقيا مثلا يعني في مكان جنوب خط الاستواء في النص الجنوبي من الكره الارضيه ساعتها حتلاقي الطلقه بتاعتك بتحدف شمال .. مقدار الحدفان ده بيزيد كل ما انت طلعت لفوق باتجاه القطبين الشمالي و الجنوبي .. ازيدك من الشعر بيت .. لو الهدف بتاعك ناحيه الشرق مع اتجاه دوران الكره الارضيه فانت بتلاقي الطلقه بتحدف لفوق .. لو الهدف بتاعك ناحيه الغرب فالطلقه بتحدف لتحت .. ده برده له جداول و معادلات القناص بيحسبها قبل ما بيضرب طلقته
الحسابات دي كلها بتبقي سهل اوي تتعمل عن طريق كومبيوتر مقذوفات Ballistic Computer
فيه عوامل تانيه ملهاش علاقه بالبيئه قد ما ليها علاقه بالبندقيه نفسها .. البندقيه McMillan TAC-50 تعتبر من انظف و احسن بنادق القناصه في العالم وميزتها ان الماسوره بتاعتها محفور فيها من جوه شكل حلزوني بيتسمي ششخان عشان الطلقه وهي طالعه تلف حول نفسها بتخليها Stable او مستقره اكتر .. المشكله ان لو التصنيع بتاع الشكل الحلزوني ده كان ناحيه اليمين فلو الطلقه طارت اكتر من 1000 متر بتلاقيها بتحدف 2.5 متر ناحيه اليمين .. الله اعلم البندقيه اللي كانت مع الاتنين قناصه كانت ايه ظروفها بس ده كمان بيخش في الحسبه .. حاجه تانيه بتتحط في اعتبار القناص هو تقييم MOA بتاع البندقيه .. كلمه MOA دي اختصار Minute of Angle ودي عشان تفهمها صح تخيل ان فيه قمع او شكل مخروطي راسه هي فوهه البندقيه اللي بيطلع منها الطلقه و قاعدته الدائره بتوسع كل ما الطلقه طارت لقدام .. معني اني اقولك ان البندقيه الفلانيه تقييم الMOA بتاعها واحد فده معناه ان لما انا اضرب طلقه من البندقيه دي و الطلقه تطير مسافه 100 يارده (تقريبا 100 متر) فده معناه انك لو رسمت دايره نص قطرها نص بوصه (1.3 سنتيمتر) فالطلقه حتيجي في حته معينه في الدايره دي .. لما اقول ان البندقيه MOA بتاعها واحد فده برده معناه ان لما الطلقه تطير 1000 يارده (تقريبا كيلومتر) فالدايره اللي هي حتيجي فيها نص قطرها بيبقي 5 بوصه (12.7 سنتيمتر) .. ابعد من الكيلومتر الدايره بتوسع اوي بتبقي نص قطرها 30 سنتيمتر وانت طالع .. علي بعد 3 كيلومتر انت لو قناص حيبقي صعب عليك انك تشوف الهدف اصلا
في الاخر عايز اقولك ان الاتنين قناصه الكنديين دول عملوا حاجه مش كتير في العالم بيعرفوا يعملوها .. الاتنين حسبوا حسبه فيها كميه متغيرات لو كانوا غلطوا في رقم واحد كانت الطلقه باظت .. دور الSpotter انه هو اللي بيحسب الحسبه و هو اللي بيقول للقناص ينشن فين و ازاي و ايه هي المسافه اللي ينشن فيها بعيد عن الهدف وهو باصص في المنظار عشان يعوض تاثير العوامل الكتير اللي اتكلمنا عنها
يوم 22 يونيو 2017 صحي الناس المهتمه بمجال القناصه علي مستوي العالم علي خبر جابلهم صدمه نفسيه وهو ان فيه اتنين قناصه كنديين تبع وحده اسمها Joint Task Force 2 ودي تبقي اعلي فئه في القوات الخاصه الكنديه اللي هي حاجه كده زي الوحده 777 او 999 عندنا في الصاعقه المصريه .. المهم ان الاتنين قناصه دول قتلوا فرد من تنظيم داعش في العراق بطلقه ضربوها من علي مسافه 3,540 متر .. الرقم ده مش غلطه علي فكره .. هم قتلوا فرد من داعش من علي بعد 3.5 كيلومتر .. الاتنين اللي هم واحد قناص و التاني اسمه Spotter او مساعد القناص كانوا قاعدين فوق سطوح بيت و الطلقه عشان تطلع من البندقيه لحد ما وصلت للهدف احتاجت تقريبا 10 ثواني و استخدموا طلقه عيار نص بوصه او 0.5 Caliber و ضربوها من بندقيه قناصه اسمها McMillan TAC-50 .. سبب اني قلتلك ان اللي حصل ده جاب صدمه نفسيه للناس اللي مهتمه اوي بموضوع القنص ده ان اخر رقم متسجل لاطول عمليه قنص في التاريخ كان باسم قناص بريطاني اسمه (كريج هاريسون Craig Harrison) قتل واحد من طالبان في افغانستان سنه 2009 من مسافه 2475 متر .. الاسوا من كده ان الWebsite بتاع الشركه اللي بتصنع بندقيه القناصه McMillan TAC-50 بيقول ان اقصي مدي صحيح للبندقيه هو 1800 متر بعدها انت و شطارتك بقي يعني الاتنين قناصه الكنديين استخدموا البندقيه عشان يصطادوا هدف من علي بعد يعتبر ضعف المسافه اللي المصنع قالك عليها .. لحد دلوقتي الخبر خلص .. اللي حنحاول نشرحله في المقاله دي هو ازاي تبقي قناص بدون معلم .. احنا حنحاول نقولك هي الطلقه دي اتضربت ازاي بالورقه و القلم .. الموضوع فيه رياضيات و فيزياء كتير فلو انت من الناس اللي مش بتحب الرياضيات و الحساب خد بعضك و اقفل البوست
اطول 5 عمليات قنص في التاريخ و كمان مسار الطلقه اللي بنتكلم عنها و لاحظ ازاي الطلقه بدات تقع جامد في اخر لحظاتها في الجو
اولا انت عشان تبقي قناص كويس لازم تبقي شاطر اوي في الفيزياء و حساب المثلثات .. فيه كميه معلومات بيكون القناص عارفها ملهاش علاقه خالص بتدريبه العسكري و نسبه قليله اوي هي اللي تقدر توصفها علي انها معلومات لازم ضابط جيش يعلمهالك .. انت مثلا لو عايز تبقي قناص حتحتاج تعرف ان الطلقه عيار نص بوصه ممكن تطير لمسافه 7.5 كيلومتر .. بس انت محتاج تكون فاهم ايه هي الحاجات اللي بتأثر علي الطلقه وهي طايره في الجو ودي حد درس فيزياء و رياضيات و حساب مثلثلات هو اللي لازم يعلمهالك .. عندك الجاذبيه .. عندك سرعه و اتجاه الريح .. عندك هو انت ارتفاعك كام من علي سطح البحر .. عندك هو انت في مكان الضغط الجوي فيه كام .. عندك الرطوبه .. عندك حاجه اسمها تاثير كوريليوس او Coriolis Effect وده يمكن اهم عامل بيؤثر علي الطلقه وهي ماشيه في الجو .. انت عشان تقول علي نفسك قناص بتعرف تصطاد اهداف من مسافات بعيده لازم تكون عارف كويس اوي ازاي تحسب الحاجات دي كلها و تعرف هي بتؤثر ازاي علي مسار الطلقه .. في الشرح حنركز كلامنا علي 4 عوامل كانوا هم اهم العوامل اللي اثرت علي عمليه القنص اللي حنتكلم عنها:
الجاذبيه الارضيه
سرعه الريح
الضغط الجوي
تاثير كوريليوس او Coriolis Effect
حضرتك بمجرد ما بتضغط علي الزناد و الطلقه بتطلع من البندقيه فهي بتطلع شايله شويه طاقه .. وهي ماشيه الطاقه دي بتفضل تقل ولما الطاقه دي بتقل قدره الطلقه انها تقاوم تاثير الجاذبيه الارضيه هي كمان بتقل .. كل ما الطلقه طارت مسافه اطول و كانت ماشيه بسرعه اقل كل ما قدره الجاذبيه الارضيه انها تشدها ليها حتزيد ودي ظاهره بتتسمي Bullet Drop او ميل الطلقه .. الطلقه وهي ماشيه بتبدا تقع والكلام ده يمشي علي اي طلقه قناصه حتي الطلقه عيار نص بوصه 0.5 Caliber اللي بتضربها من بندقيه قويه اوي زي McMillan TAC-50 .. كل ما المسافه اللي بتطيرها الطلقه او الRange زاد كل ما الBullet Drop هو كمان بيزيد .. عشان كده وانت في الجيش لو اخدت فرقه قناصه بيقولك نشن فوق الهدف بشويه صغيرين العكس مع البنادق الاليه عشان رد الفعل بتاع ضرب النار بيخلي البندقيه تطلع لفوق بس ده ممكن نشرحه بعدين مش دلوقتي .. المشكله ان الاتنين قناصه الكنديين لما جم يصطادوا الهدف بتاعهم هم جابوه من علي مسافه 3,540 متر وده معناه ان لو القناص ضرب طلقته افقي يعني منشنش اعلي من الهدف زي ما اي مدرب ضرب نار بيعلمك وانت لسه طالب في الكليه الحربيه فالBullet Drop لحظه ما الطلقه جت في الهدف كان حيبقي 6,705 بوصه يعني حوالي 170 متر .. اهدي بقي و ركز في الرقم اللي انت لسه قاريه .. مسافه ال3.5 كيلومتر دي عشان اصطادك من عليها لازم اكون واقف فوق ناطحه سحاب عشان الطلقه وهي ماشيه بتقع فلما ان شاء الله الطلقه توصلك تيجي فيك لو انا نشنت افقي و ركز ابوس ايدك في النقطه دي
حسبلك الBullet Drop علي حسب المسافه اللي بتطيرها الطلقه .. الناتج النهائي بتاعه الحسبه اللي عملها الاتنين قناصين دول هي ان الطلقه لحظه ما جت في الهدف كانت بتطير بسرعه 282 متر في الثانيه ودي سرعه تعتبر اسرع من سرعه الطياره المدنيه الجامبو اللي هي بوينج Boeing 747 ودي سرعه اقل من سرعه الصوت و الطلقه وهي ماشيه كانت بتقع 50 سنتيمتر كل ما تمشي 30 سنتيمتر .. تاني الناتج ده لحظه اصابه الطلقه للهدف مش وهي طايره في الجو .. انا عارف ان فيه ناس مخها قريب يسيح .. معني الحسبه دي ان لازم الاتنين قناصه يكونوا قاعدين فوق سطح مبني او اي مكان تاني عالي .. بعد كده عن طريق العدسه بتاعه البندقيه بتبدا تعوض الBullet Drop بانك تنشن البندقيه لفوق الهدف .. بحسبه تانيه برده .. الطلقه احتاجت حوالي 7 ثواني عشان تطلع من البندقيه لحد ما تصيب الهدف و لحظه ما جت في الهدف سرعتها كانت 282 متر في الثانيه و ده معناه ان الطلقه دي بعد ما طارت اكثر من 3.4 كيلومتر كانت القوه اللي ضربت بيها الهدف كانت زيها زي ما اكون واقف قدامه باقل من متر و اضربه بطلقه من بندقيه
لما بتيجي تصطاد هدف من علي مسافات بعيده سرعه الريح بتكون عامل مهم اوي في حسبتك .. انت ممكن ريح بسيطه خالص سرعتها متعديش 1.5 متر في الساعه يعني يدوبك نسمه هوا معديه تخليلك الطلقه بتاعتك تبعد مسارها .. عشان بس تكون برده مستوعب الارقام .. لو انا معايا بندقيه قناصه و طلقه عيار نص بوصه 0.5 Caliber و بصطاد هدف علي بعد 400 متر فممكن ريح بسيطه زي ما قلتلك سرعتها متعديش 1.5 متر في الساعه تبعد الطلقه بتاعتي عن مسارها بمسافه تعدي 75 سنتيمتر .. لو انا بقي بصطاد هدف من علي مسافه 3800 متر فريح زي دي ممكن تفسحلي الطلقه بتاعتي بعيد عن الهدف بمسافه 9 متر .. ده معناه ان الاتنين قناصه كانوا المفروض يعملوا حسابهم ان الريح حتخلي الطلقه تبعد اكتر عن الهدف بمسافه حوالي 9 متر فده كمان بيخش في الحسبه
الضغط الجوي هو داله في ارتفاعك عن سطح البحر بس لو انت قناص بتصطاد هدف علي بعد 500 متر او اقل فانت العوامل زي الضغط الجوي و الرطوبه و درجات الحراره مش بتاخدها في حسابك و بتعملها Ignore .. الكلام ده مبيحصلش لما بتصطاد هدف علي بعد 3,540 متر .. القناص بيبقي معاه Wind Sensor و مقياس للضغط الجوي و بيكون معاه تقرير عن حاله الجو .. اللي بيعقد الدنيا هو انت بتضرب الطلقه الساعه كام .. انك لو بتضرب طلقه ساعه الفجريه فدي بتبقي حسبه ولو انت بتضرب نفس الطلقه علي نفس الهدف في عز الظهر بتبقي حسبه تانيه خالص
عشان مدخلكش في قصه كبيره .. عامل كبير في حسبه القناصه بيعتمد علي دائره العرض اللي انت عندها والتاثير ده بيبان اوي كل ما الهدف بعد عنك .. لو انت زي ما الاتنين قناصه الكنديين كانوا في العراق يعني في النص الشمالي من الكره الارضيه فالطلقه بتاعتك لما بتطلع بتحدف يمين .. العكس لو انت في جنوب افريقيا مثلا يعني في مكان جنوب خط الاستواء في النص الجنوبي من الكره الارضيه ساعتها حتلاقي الطلقه بتاعتك بتحدف شمال .. مقدار الحدفان ده بيزيد كل ما انت طلعت لفوق باتجاه القطبين الشمالي و الجنوبي .. ازيدك من الشعر بيت .. لو الهدف بتاعك ناحيه الشرق مع اتجاه دوران الكره الارضيه فانت بتلاقي الطلقه بتحدف لفوق .. لو الهدف بتاعك ناحيه الغرب فالطلقه بتحدف لتحت .. ده برده له جداول و معادلات القناص بيحسبها قبل ما بيضرب طلقته
الحسابات دي كلها بتبقي سهل اوي تتعمل عن طريق كومبيوتر مقذوفات Ballistic Computer
فيه عوامل تانيه ملهاش علاقه بالبيئه قد ما ليها علاقه بالبندقيه نفسها .. البندقيه McMillan TAC-50 تعتبر من انظف و احسن بنادق القناصه في العالم وميزتها ان الماسوره بتاعتها محفور فيها من جوه شكل حلزوني بيتسمي ششخان عشان الطلقه وهي طالعه تلف حول نفسها بتخليها Stable او مستقره اكتر .. المشكله ان لو التصنيع بتاع الشكل الحلزوني ده كان ناحيه اليمين فلو الطلقه طارت اكتر من 1000 متر بتلاقيها بتحدف 2.5 متر ناحيه اليمين .. الله اعلم البندقيه اللي كانت مع الاتنين قناصه كانت ايه ظروفها بس ده كمان بيخش في الحسبه .. حاجه تانيه بتتحط في اعتبار القناص هو تقييم MOA بتاع البندقيه .. كلمه MOA دي اختصار Minute of Angle ودي عشان تفهمها صح تخيل ان فيه قمع او شكل مخروطي راسه هي فوهه البندقيه اللي بيطلع منها الطلقه و قاعدته الدائره بتوسع كل ما الطلقه طارت لقدام .. معني اني اقولك ان البندقيه الفلانيه تقييم الMOA بتاعها واحد فده معناه ان لما انا اضرب طلقه من البندقيه دي و الطلقه تطير مسافه 100 يارده (تقريبا 100 متر) فده معناه انك لو رسمت دايره نص قطرها نص بوصه (1.3 سنتيمتر) فالطلقه حتيجي في حته معينه في الدايره دي .. لما اقول ان البندقيه MOA بتاعها واحد فده برده معناه ان لما الطلقه تطير 1000 يارده (تقريبا كيلومتر) فالدايره اللي هي حتيجي فيها نص قطرها بيبقي 5 بوصه (12.7 سنتيمتر) .. ابعد من الكيلومتر الدايره بتوسع اوي بتبقي نص قطرها 30 سنتيمتر وانت طالع .. علي بعد 3 كيلومتر انت لو قناص حيبقي صعب عليك انك تشوف الهدف اصلا
في الاخر عايز اقولك ان الاتنين قناصه الكنديين دول عملوا حاجه مش كتير في العالم بيعرفوا يعملوها .. الاتنين حسبوا حسبه فيها كميه متغيرات لو كانوا غلطوا في رقم واحد كانت الطلقه باظت .. دور الSpotter انه هو اللي بيحسب الحسبه و هو اللي بيقول للقناص ينشن فين و ازاي و ايه هي المسافه اللي ينشن فيها بعيد عن الهدف وهو باصص في المنظار عشان يعوض تاثير العوامل الكتير اللي اتكلمنا عنها
ليست هناك تعليقات:
إرسال تعليق