مسلسل الإختيار تحليل الحلقة ال 19
مسلسل الإختيار الحلقة ال 19
تحليل بعض المشاهد 💙
.
.
👈 المشهد الأول "وقت ما كان عبدالله راجع الجيش"
اخوه قاله اي هتمشي وانت زعلان مني هتعمل اي لو رجعت لقتني ميت هتسامح نفسك ازاي المشهد اللي معظم البيوت المصرية كلها عاشته وانت راجع خدمتك مش عارف هترجع بيتك تاني ولا لا لما كل مره تودع اهلك ابنك مراتك امك ومش عارف هي دي اخر مره ولا هترجع ليهم تاني ولا لا بس سايبهم في حفظ رب كريم 🙏
وفي الاخر اخوه صالحه ورضاه قبل ما يمشي المشهد والمسلسل معيشك في واقع حقيقي بيحصل ولسه بيحصل اكيد ليك اخ او قريب او صاحب او حد تعرفه راح مرجعش..... للأسف وزي ما قادر منسي قال في حلقات قبل كدا سواء انت خلصت وروحت هيجي اللي قاعد في البيت مكانك وكلنا هنا فدا البلد دي تحية اعزاز وتقدير لكل شهداء الوطن المشهد دا واخد حقه جدا ووصل الرسالة جدا.....
.
👈 نيجي للمشهد التاني اللي في الصورة الثالثة "أثناء وضع خطة الهجوم على الكمين"
يجي هنا مشهد خسه وتبدير للجنود وهي صايمة لا وكمان عماد وعشماوي طلعوا فتوى كدا وهما قاعدين 😄
قاله اي "انا بقول اننا نفطر يومها كلنا، خايف ان الصيام يأثر على أداء الأخوة ولا انت ايه رايك؟
رد عشماوي وقاله :" اها طبعا احنا عاوزين نقضي على الكمين كله" علشان لو خلصنا نطلع نرف العلم ونصور علم مين انسى 😄😄
شوف ازاي الفتوى بتطلع بالفطار والخسة والندالة في وقت الهجوم والجنود صايمين.... نيجي لنقطة لما قاله عاوزين نصور العلم فوق الكمين قولتلك فوق انسى علشان الصورة الرابعة هنا وقت ما كان البطل شهيد محمد إمام واقف بيتصدي للهجوم مخلاش العربية #المفخخة تدخل حرم الكمين وقتل اللي سايق وهوا فيها ولما #عصام قرب من العربية اخد عيار في ايده، ها عاوز تاني؟
غير شجاعة #عبدالله اللي من الصعيد المجند اللي كان بيتعامل بثبات وبيطلع ذخيرة ويدي للضباط والعساكر وهي بتتعامل
وهما صايمين؟
وطلع وبلغ الدعم على اللاسلكي بكل ثبات ومش بس كدا بعد لما القائد #درويش فضل يوقع فيهم على قد ما يقدر وبعدين #استشهد وقوة الكمين خلاص انهارات طلع عبدالله في اخر المشهد أسد وبيضرب نار 🔥 #عبدالله فكرني بالعسكري #علي على في مربع البرث انسى محدش هيطلع فوق وبكل عسري جدع واقف يدافع لأخر نفس 🙏
كمين مين يابني اللي ترفع العلم فوقه كمين مين يابني دول أبطال من اول القائد لحد العكسري...... َ
.
👈 بعدين نيجي للمشهد اللي في الصورة السادسة والسابعة
مشهد "قتل عبدالله من ابوسعد الجنوبي " الشيخ مصعب"
بص في نظرات الشيخ مصعب اللي كلها غل وانتقام بسبب اللي علمه فيه اخوه وقت ما كان في البلد وضربه ليه بغل منهجهم يخليك تقتل حتى لو جارك اللي أكلتوا مع بعض عيش وملح وتكفر اي حد لمجرد انه مش معاك في نفس الطريق....
واللي لاحظ ان اخد منه #سلاحه و #السلسلة_التعريفية (دوجتاج) ودي اللي دخل الجيش عارفها كويس بيكون فيها *اسم الشخص
*فصيلة الدم
*رقم تعريفي
في قانون العسكرية سلاحك شرفك والتعريفة العسكرية دي من شرفك برضوا....
اخدهم وكأنه كدا انتقم من اخوه مشهد مكفي وموفي وان الأهداف مش إقامة شرع الله ولا دولة إسلامية 😅
زي ما بيقولوا لا دا علشان السلطة والقيادة والانتقام اللي جواهم والنقص 😅
..
👈 نيجي بقى للصورة الأخيرة واخر مشهد
"خبر استشهاد عبدالله"
زيها زي اي ام بتستقبل الخبر دا بكسرة ابنها مش معاها تاني مش هتشوفوا تاني معظمنا حضر جنازات لاصحابنا قرايبنا اخواتنا الشهداء اللي مكملوش 21 سنه و 22 سنه محدش هيحس المشهد دا قد ام الشهيد وأهله وكل اللي حواليه مهما كان المشهد مؤثر بالنسبة ليك ك مشاهد ف دا مش حاجة من الحقيقة اللي حسناها لما فقدنا حد قريب لينا في الأحداث دي من النار اللي قايدة في قلبنا على فقدان الناس دي....
تحية تقدير لكل #أم_شهيد صابرة ومسلمه أمرها لله الواحد الأحد اللي ربت راجل جدع مقالش للموت لا 👋
تحية تقدير لكل #اهل_شهيد قدموا ابنهم فداء للبلد دي البلد اللي ترابها مروى بارض ولادها 🙏
حلقة انهاردة كل مشهد فيها بحكاية والإخراج واقعي جدا كل دا احنا عشناه ولسه عايشينه.....ولسه هنعيشه
ليست هناك تعليقات:
إرسال تعليق