مسلسل الإختيار تحليل الحلقة ال 7
الحلقة السابعة
تحليل مشهد "منسي في الكتيبة مع العساكر في أول الحلقة"
هنا المشهد بيمثل حالة من حالة حروب الجيل الرابع المجندين سألوا ليه مسميين نفسهم أنصار بيت المقدس
رد منسي
👈 مين فينا مش نفسه يحرر القدس ومين فينا مش عاوز يصلي في الأقصى
هي دي اللعبة اللي بتتلعب في دماغ الشباب هنحرر القدس ونصلي في الاقصي ويجوا يحاربونا احنا
شوية نصابين 😅
الكلام دا للجماعة بتوع افتحوا الحدود الناس بتموت في #غزة علشان يظهر صورة الجيش المصري انه ضد قضية القدس مع انها قضية واحدة لحد الان اسم فلسطين مكتوب على الخرايط المصرية في الجيش لحد الان بنقول في الجيش العدو القابع على الضفة التانية من القناة دي عقيدة جيش محفورة بتتنقل من جيل ل جيل
مشهد كبير ومفهومة كبير جدا ويظهر ليك أن القضية منتهتش وان عدونا لسه معروف وهوا الكيان الصهيوني ودليل لذلك شوف المناورة قادر اللي في أواخر 2019 ظهر أبطال القوات المسلحة مجسم للدبابة #ميركافا وهي من صناعة الكيان الصهيوني المحتل ل #فلسطين وهي بتضرب في المناورة 💪
القضية واحدة وعمرنا ما نسينا ودا اللي المشهد بيوضحه ليك
وفكرة حروب الجيل الرابع اللي بتأثر على الجيل اللي لسه طالع اللي بتخليه يشك في هويته وانتمائه
القائد منسي كان قائد واعي وفاهم وكان بيحب يفهم كل اللي حواليه
#القدس_عربية 💙
_____________________________________________
تحليل مشهد "اجتماع القادة"
جزئية مهمة جدا نركز فيها 👮♂️
👈 مصر اول دولة تمتلك جيش نظامي في العالم 👮♂️
جيش نظامي وهي دي كانت المشكلة اللي بتواجه الجيش في الفترة دي انت جيش نظامي والناس دي بتتعامل بحرب عصابات زي ما قال كدا منسي في المشهد الراجل الطيب اللي بيسلم علينا الصبح شبه الإرهابي اللي بيهجم علينا بليل هنعرفه منين واحنا معروفين ومن اللبس مميزين وفعلا الفترة دي كانت صعبة كان العسكري اللي بيطلع يشتري حاجة للكتيبة كان ممكن مبيرجعش تاني وهحط ليكم فديو فيه اغتيال عسكري بيشتري حاجة من كشك من واحد واقف جمبه هل هوا هيعرف ان دا إرهابي؟؟
👈 ومن هنا بدأ القائد منسي يفكر في طريقة يحاربهم بيها زي ماهما بيحاربونا وبدأ يدرب رجالته على الحرب دي واتغير خالص مفهوم الحرب النظامية قدامهم وبقي يدخل وسط الحرب دي عمليات نوعية وش ل وش زي ما حصل كدا ف المشهد والعمليات دي مش اي حد بيكون قادر على التفيذ قد #فدائي_الصاعقة ومن وقتها خسرهم كتير #منسي في سينا اللي عمل عمليات نوعية كتير جدا ناجحة وبقي اسمه بيجيب ليهم تبول لا إرادي لو قعدنا نتكلم عن قائد منسي مش هنخلص كلام 🙏💪
بعد كدا لو لاحظت الضابط اللي قال طلبنا نضرب بالطيران
ولكن فيه أهالي في المنطقة في مش هينفع علشان حياة الأهالى اهم
ودا رد للناس اللي بتقول مش بتضرب بالطيران ليه؟
غير ان هدفك شخص عادي لابس زي ناس عادية متعرفش ان ممكن والطيران جاية يستهدف من خلال اي حد ف الحرب كانت صعبة جدا على رجالتنا في سينا خصوصا مع وجود أهالي في المناطق
لسه هنشوف كتير في الأحداث الجاية وهنشوف أدوار رجالتنا في سينا ولاحظ وقتها التسليح في الفترة دي كان عامل ازاي نسخة قديمة من الكلاش واللي في الأحداث قدام مع مرور الوقت فترة إعادة تسليح القوات المسلحة وصفقات السلاح اللي كان الكل بيقول احنا فقرا وبنشتري سلاح ليه
الحقيقة العمل كل يوم بيثبت انه موفي ومكفي ولسه هنشوف عظمة كتير قدام 💙🙏
اتمنى يكون التحليل بسيط ويكون وصل لو جزء بسيط من اللي بيحصل
#أحمد_عبدالله
ليست هناك تعليقات:
إرسال تعليق