الأختبار الطبي (ذكور)

بسم الله الرحمن الرحيم

نجحت سمات هتجيلك رسالة

*نتيجة السمات لرقم قيد...... لائق في أختبار السمات وميعاد الكشف الطبي يوم ......الساعة ال5 صباحا بالكلية الحربية بوابة...

كدا تمام 😃

>النصايح بقا وياريت نركز في الكلام كويس علشان مش هيحصل غير اللي هقوله 👏

*الكشف الطبي يومين ولو هتعمل التماس هيبقوا 3 أيام

*الالتماس مرة واحدة فقط في كل العيادات لو سقطت تاني في عيادة بعد الالتماس بتروح ؛ مفيش التماس في كشف القوام (الطول الوزن) وهوا اول اختبار علشان انت بتخلص وتطلع تتعرض علي المستشار علطول لو سقطت مش بتروح بتطلع تكشف عين لو نظرك 6/6 حاد بتتحول تكمل كشف في جوية وكدا مش بيكون ليك غير جوية فقط ولو سطقت ف جوية اكيد بتروح 😀

* الطلبة اللي بتكشف جوية نوعين نوع محول اللي ساقط قوام حربية ونوع مرشح يعني انت لو نجحت في حربية ونظرك 6/6 حاد بتترشح جوية وتروح الاول تكشف جوية لو سقطت جوية ترجع تكمل في حربية نجحت بتكمل ومش بيكون ليك غير جوية برضوا 🤗🤗

ياريت نركز ف الكلام علشان دماغنا متلفش 🙄🙄

* 14 كشف طبي في اليومين

* الالمتاس هوا السقوط في احدي الكشوف وبتقدم تاني يوم الصبح تقدم التماس وتتعرض علي مستشار العيادة وهوا بيقول تكمل ولا لا الالتماس مرة واحدة فقط نسبة نجاح الالتماس 70% بتعمل الالتماس تاني يوم ب 20 ج اكتر الالتماسات في قاع عين وعظام  👌

* اليوم الاول

(قوام او التناسق/الرمد/أنف وأذن/اسنان/جلدية/الباطنة/العظام/الجراحة/النفسية)

* تاني يوم

(رسم القلب- الاشعة- رمد 2 (قاع عين)- موجات صوتبة (سونار) )

هنشرحهم كلهم بالترتيب الوقتي ونسبة النجاح فيهم ☝

* يكون هناك تساهل في الكشوفات مع

-مجموعة 92% فاعلي علمي رياضة

-مجموعة 95% فاعلي علمي علوم

دول بس اللي مسموح ليهم يكشفوا بالنضارة غير كدا لا 🤗🤗

>>>

هتأخد ايه معاك بص ياسيدي

 بطاقتك الشخصية ، كارت التررد (دا اساسي معاك ف كل اختبار)، اجرة موصلات اكيد ، 50جنيه (ممكن تحتاج تعمل التماس) ، قلم ازرق ، حالق شعرك علي 1 وذقنك تمام ، متتأخرش لازم تكون هناك ع5 ، سلب ابيض سبعة ولا يسمح بغير ذلك بأكد علي النقطة دي تلبسة تحت البنطلون تأخده معاك وتغير جوه عادي كدا كدا بتدخل تغير هدومك للتأكيد اي حاجة غير سلب ابيض سبعة هتطلع تشتري واحد برا بفلوس قد كدا هتلاقي ناس بتبيعه برا كتير 😃😃

وياريت متعملش ناصح زي الناس اللي كانت بتقعد تلفه علشان يبقي سبعة وتتقفش برضوا وهيبقي شكلك وحش وتروح تلبس تاني وتطلع تشتري واحد يبقي دا شئ اساسي (سلب سبعة ابيض) بين قوسين  اهي 😎

الحجات الممنوع لبسها (كاب-نضارة سوداء-صندل-شبشب-بوكسر قولت فوق سلب سبعة اكيد مش هتلبس بوكسر 😃- سلسلة-حظاظة)

-تغسل اذنيك عند دكتور انف واذن

-تحلق دقنك والشعر تحت الابط وشعر العانة ومتجيش جمب شعر الخلفية وطبعا حالق علي شعرك علي نمرة 1 ☝

-ياريت تاخد شاور قبل ماتروح وتحت مزيل للعرق وتظبط نفسك كدا

هتروح لو معاك موبايل هيتسلم في الامانات وتاخد رقم بيها

بعد كدا عسكري هيفتشك

ممنوع السجاير لو معاك سجاير هتتفرم قدامك زي ماحصل معاك ف السمات بالظبط والولاعات

بعدين بتركب باص بيوديك عن لجنة القومسيون الطبي 😃

بتقعد تحت مظلة والظابط بينادي رقم قيد كذا ل رقم كذا يطلع وبيكون فيه عسكري دا بيبقي مندوب لجنتك وبيكون معاكم في كل الاختبارات حتي اعلان النتيجة اخر يوم

العسكري هياخدك علي غرفة خلع الملابس وبتقلع في اقل من دقيقتبن ماعدا السلب الابيض السبعة فقط وبتاخد كيسين بلاستيك باستك مكان الجزمة او الكوتشي بتلبسهم ف رجليك

بتاخد معاك محفظتك ساعتك رقم قيدك والباقي ف خزنة

احفظ رقم الخزنة واكتب رقمها علي ايدك علشان متنساش 👏

نخش علي الكشوفات 😎

1- التناسق او القوام

*الوزن المثالي الطول - 100 يسمح ليك بزيادة 5 كيلو او نقص 10 كيلو 😃

يعني ايه وزن مثالي يعني لو طولك 175 الوزن المثالي ليك 75 كيلو 80تنجح او 65 تنجح 😊

.

2- رمد (1)

بيشوف فيه طول النظر والقصر

من خلال الدواير علي اللوحة

وعمي الالوان

في كراسة فيه ارقام مش ظاهرة وانت بتحاول تعرفها

نسبة النجاح في الكشف دا 75%

.

3- أنف وأذن (لازم تكون ودنك نضيفة زي ماقولت فوق ياتغسل عند دكتور ياتجيب قطرة من الوقتي للاذن لازالة المادة الشمعية وابدا حط منها هتنضف الودن 😃

عملية #اللوز لا تؤثر علي الكشف

نسبة نجاح الكشف 85%

.

3- الأسنان

تغسل سنانك كويس وتروح لدكتور تنضفها من الجير 😃

- الطربوش لا يؤثر في كشف الاسنان بنسبة 90%

- حشو الضرس ببلاتين لا يؤثر بنسبة 85% ويفضل يكون الحشو أبيض وليس بلاتين

نسبة النجاح ف الكشف 90% وكذلك الالتماس

.

5- الباطنة

- نام علي السرير

- ضم رجليك

-قم بتوجيه رأسك لليسار

- خد نفس واكتمه

كشف سهل

نسبة النجاح 99%

.

6- الجلدية

فحص الجسم كامل

اللي يخرجك من جلدية

(الحروق،أمراض البرص،البهاق،الوحمات الكبيرة والبارزة-حب الشباب الكثيف- الخياطات والغرز البارزة)

* عملية الزايدة انت ونصيبك علي حسب الدكتور 😃

طبعا كل الحجات دي درجات هما ليهم نظره تخرج ولا تكمل 👏

نسبة النجاح في الكشف 85%

.

7- النفسية

بيشوف الحروف وطريقة نطق الكلام زي 44 او 66

اللدغة واللدغة بتتعالج لو عندك شوف اي اخصائي تخاطب يعدلهالك 😃

وعرق الايد والرعشة

نسبة النجاح 75% والالتماس85%

.

8- الجراحة

بيشوف العمليات الجراحية زي البواسير او دوالي الخصيتين

دا الكشف اللي هتقلع وتوطي فيه

نسبة النجاح 90%

.

9- العظام (بعبع الكشوفات اصعب الكشوفات)

بيشوفوا التقوس والفلات فوت

نسبة النجاح فيه 10%

اظن النسبة واضحة دا الكشف اللي بيصفي المجموعات 😃😃

.

10- رسم قلب

نسبة النجاح 95%

المهم متدخلش قلقان علشان متوقعش نفسك

.

11- الرمد 2 (قاع العين)

اصعب كشف في تاني يوم قاع العين ف تصفيات برضوا

بيشوف قاع العين والعملياع زي الليزك وprk وطبعا بيسقط

نسبة النجاح 10%

اظن النسبة واضحة 😃

.

12- موجات صوتية (sonar)

نسبة النجاح 98%

14- الاشعة

نسبة النجاح

98%

.

وكدا الكشف الطبي ذكور خلص 😃😃

ويومها اخر النهار لو ناجح بتعرف معاد الاختبار الرياضي