قصة حلم العسكرية part 1

.........الحكاية بدأت من حب الكيان كيان الظابط من ايام ما كان ف ابتدائي كان بيحب حاجة اسمها #عسكرية مع ان والده مكنش راجل 

جيش ولا حاجة بس عمه كان من احدي قيادات الجيش #الجوية وبرتبة ورتبة كبيرة كان دايما ف الاجازات ايام ابتدائي يأخده معاه القواعد 

الجوية ويركبه الطيارات وهي واقفة ويصوره وزرع في قلبه حب الوطن والدفاع عنه وفجأة انفصل مده عن عمه بس عمره ما نسي الشئ 

اللي زرعه جواه وانه لازم يوصل ف يوم ويبقي ظابط ويخدم ف الجيش وينول الشهادة وكبر واندمج في الحياة وعاااش حياته وعرف بنت 

دي وكلم البنت دي وساب دي وعمل مع دي كان عايش حياته لما عرف ناس خلوه يبعد عن ربه ووصل لثانوية عامة وطبعا عمره مانسي 

انه لازم يبقي ظابط جيش وكان مقضيها ف ثانوية عامة وكان يقول لاهله عاوز فلوس حاضر خد بس ذاكر كان نفسهم يشوفه حاجة كبيرة 

حتي لو هيصرفوا عليه كل فلوسهم كان الولد الوحيد وهوا اندمج في الغلط والحرام ونسي نفسه ودخل امتحانات ثانوية وقال يعني انا مش 

هجيب 70% وبالفعل نجح وعدي بمجموع 75% كان فرحان فاكر انه كدا خلاص قال انا عمي الواسطة بتاعتي وهبقي ظابط عمره ما 

فكر ف يوم ف ربه ونسي نفسه والغرور عاااش جواه وسحب الملف وخلصه وبسرعة قوام راح سلمه وفرحان وبسرعة كلم عمه وقاله انا 

سلمت الملف قاله كويس اديني رقم ملفك وبالفعل اداله الرقم ومشي وقال خلاص بقيت ظابط ومفيش حد همه مش متكبر ع الناس بس كان 

حاسس من جواه انه خلاص انتصر مفكرش في حاجة اسمها #تساهيل_ربنا مفكرش قد ايه هوا عمل حاجات كتير غلط وعمل ذنوب قد ايه 

وساب كام فرض مفكرش ف كل دا ولما جاتله الرسالة محدش نفعه ولا عمه ولا اي مخلوق ساعتها انتفض وازاي انا معايا واسطة ايوة 

صح انت معاك واسطة بس ربنا عمره ماكان معاك انت فين من ربنا بقي وفضل مزاجه وحش ومبقاش عارف يروح فين ماهوا اصلا 

الانسان اللي ربنا بيكون مش راضي عنه بيكون #تايه ومش عارف يعمل اي في يوم من الايام بعد لما كابر برضوا وقال هقدم السنه الجاية 

قبل عيد ميلادة 19 بيومين قعد مع نفسه افتكر ايام زمان ايام لما عمه كان بياخده المطار الحربي عيط فجأة حس بوجع كبير افتكر تاني ايام 

اعدادي ايام لما الاذان يأذن بيكون اول واحد ف المسجد ايام لما كان في 3اعدادي كان بيصوم الاتنين والخميس دايما كانت والدته بتستغرب 

ساعات انت ازاي كدا ودروسك كان بيقولها الرسول صلي الله عليه وسلم قال ترفع الاعمال يومي الاتنين والخميس واحب ان ترفع اعمالي 

وانا صائم افتكر كل حاجة مرحلة الثانوية العامة اللي اتحول فيها لشيطان بيعبد الشهوات كان ماشي مبدأ الحب احساس والجنس متعة ونسي 

كل حاجة في حياته الصحاب بيكونوا اساس كل حاجة في حياتك وهوا كان اختياره غلط فضل يبكي يبكي بدموع وتنهيدة صعبة كادت تقطع 

القلب واختار انه يحافظ علي حلمه ويجري ورا فكر ف ربنا طب ازاي هتوب ربنا هيقبل توبتي طب ازاي وذنوبي دي مسك تليفونه فجأة 

وبدا يتصفح موقع اليوتيوب ويشوف فديوهات للتوبه وفجأة جيت في ودانه الايه دي (فمن تاب من بعد ظلمه واصلح فإن الله يتوب عليه إن 
الله غفور رحيم) سورة النساء 
يتبع.....