مسلسل الإختيار تحليل الحلقة ال 1
الحلقة الأولى المشهد الاخير ↗️
علشان ناس كتير من صحابي اتواصلوا معايا واتكلموا في المشهد دا وناس قالت إن البيت كله عيط واكيد مشهد زي دي هيخليك تتعاطف مع اللي حصل حتى لو معيطش اكيد أثر في ناس كتير المشهد الاخير مشهد مليان مواقف بطولية كبيرة من اول المسيحي اللي بيعمل الفطار للمسلم اللي معاه في الكمين مفيش فرق متوحدين تحت راية حب الوطن، الحقيقة ان المشهد كان تمثيل للي حصل في كمين رفح 2012 هوا دا الوضع من وقتها لحد قريب جدا هوا دا اللي كان بيحصل في ظل دولة كانت مفيش فيها تحديثات في الجيش ولا الشرطة وكانت كل التجهيزات مش اوووي في الوقت دا لحد ما الدولة وقفت على رجلها من تاني وبدأت تطور في المعدات وتشتري سلاح وقتها كان يطلع يقول الحق مش لاقيين ناكل ورايحين نشتري سلاح الحق احنا فقرا اووووي وبيعملوا كذا وكذا......
المشهد الاخير من وجهة نظري لخص الفترة بين 2012 لكمين ابطال رفح وبين الفترة الحالية اللي شبه اختفت فيها العمليات الإرهابية بسبب قوة القبضة الأمنية لأبطال القوات المسلحة والشرطة......
الفترة اللي خسرنا فيه أبطال كتير جدا مجندين وصف ضباط وضباط ولواءات كل دول ضحوا بأرواحهم في سبيل اننا نعيش........
كنت الأول بتابع اخبار الابطال اول بأول وكان ديما فيه خساير علطول وكنت دايما بقول لحد امتى هنفضل كدا نخسر ويروح مننا شباب زي الورد زي اللي في المشهد اللي كان قبلها علطول بيكلم امه علشان ينزل يجيب ليها فلوس بعدين يطلع واحد خاين ملوش لازمة يقولك الحق الجيش بيقتل اهل سينا دا مفيش إرهاب.......
واللي كان يضايق ان فيه ناس بتصدق الكلام... بس اللي كان بيضايق اكتر لما تبص على بيت اهل #شهيد راح وساب وراه ام او زوجة وأولاد ف متخيل شعورهم كان يبقى عامل ازاي وهما بيسمعوا ناس المفروض انهم من نفس الشعب بيشككوا في استشهادهم، المشهد دا خلاك تعيط بس مش هيخليك تحس بحرقة كل ام علي ابنها وكل اخت وكل زوجة راح منها أغلى ما تملك 🙏
#المسلسل دا مش هيبقى مجرد مسلسل وخلاص المسلسل دا هيبقى مرجع للتاريخ للأحداث حقيقية حصلت من 2012 لحد 2020 لحد ما رجعناهم مكان ما ظهروا وبقينا بدل ما نسمع صوت ضرب في سينا بقينا بنعمر هناك وبقينا عندنا دولة ليها جيش وشرطة على أتم الاستعداد لمواجهة اي أحداث قادمة ب أحدث التجهيزات دولة قادرة على اتخاذ القرارات
#أحمد_عبدالله
ليست هناك تعليقات:
إرسال تعليق