مسلسل الإختيار تحليل الحلقة ال 2

الحلقة الثانية

 "مشهد الحوار بين سعد والشيخ مصعب "

دا المشهد اللي حبيت اتكلم عنه وهي الفئة اللي كانت بتستهدفها الجماعة علشان تبقي مركز القوي ليهم سواء في جمع الأصوات في أثناء الانتخابات او في التجهيز للتجمهر كان الفلاح الغلبان هوا أسهل حد يضحك عليه بشوية وعود زائفة زي ما حصل ما سعد كدا اللي حصل دا مش تأليف هما فعلا كانوا بيدوا وعود للناس مقابل استغلاهم علشان الأصوات والتجمعات

واللي كان متابع الفترة دي في أحداث الاتحادية والأحداث اللي بعدها كان هيعرف كويس مين اللي كان موجود في الأحداث دي وحتى في أحداث رابعة كانت كل الناس اللي ف رابعة العدوية جايين من الأقاليم و70% فلاحين

 العالم اللي مفيش عندها فكر او توعية واللي دا هيجيب معاهم جدآ بنغمة الإسلام والدين وان هما دول الصح.

في الفترة كنت في بلد ارياف في زيارة لحد كان يوم جمعة وحضرت خطبة كانت كلها تقريبا عن تحريض الناس ضد الدولة باسم الدين وغيره ف دي كانت الفئة اللي كانوا بيلعبوا عليها #شيخ_القرية اللي هوا اصلا مضحوك عليه ويجمع أصوات ووقت ما يطلبوا رجالة للمظاهرات هما جاهزين يحشدوا اي عدد، نفس النمط كان بيتلعب على الطلبة الصغيرين في الثانوية والجامعات تحت اسم الحرية وانك هتموت شهيد وشعارات زي سلمية وفي بعض المظاهرات كان بيتقال هتاف "قولها وسمع كل الناس خير جنود الأرض حماس" ✋

الشباب اللي لسه طالع وشايف انه دور نضال بس هوا معمول ليه غسيل مخ وبيملوا دماغه بكلام عكس الحقيقة

 كمثال : انهم في جميع المظاهرات كانوا دايما بيهتفوا سلمية وانت ماشي وسطهم وهما مسلحين واللي بيتكلم او يعترض يقولك علشان لو حصل حاجه ندافع عن نفسنا

طب بتقول سلمية ليه ؟؟

الحقيقة ان المسلسل كل يوم هيطرح زي قضية جديدة حصلت في المجتمع من 2012 لحد الان وقصص شهداء كتير جدا

#اخترت احلل الجزء دا بالذات لاني في يوم كنت مكان سعد وكنت عيل طايش وماشي ورا الشعارات دي والحمدلله وعيت على الحقيقة بدري جدا

#أحمد_عبدالله

صفحة الكاتب علي الفيس بوك