مسلسل الإختيار تحليل الحلقة ال 11

تحليل الجزء الأول من الحلقة لحد العملية التانية بتاعت عشماوي

معظم الناس في البوستات اللي فاتت كانت بتتكلم عن #عشماوي هوا ازاي المخرج مطلع #عشماوي كدا انه حاسس انه ندمان وبيفكر هوا صح ولا غلط؟؟

لا المخرج مطلع #عشماوي كدا علشان الناس تتعاطف معاه هوا بيحمل فكر تطرف؟؟

طيب نقول كلمتين الحلقة دي جاوبت فيهم على كل سؤال

👈 عارف لما الطفل الصغير يبدأ يقف ويقع بعدين يحاول يقف ف يقع تاني مين بيسنده مين بيعمله المشي؟؟

وانت صغير اكيد لو اهلك ممسكوش ايدك مكنتش هتعرف تقف على رجلك علشان تتعلم المشي كنت كل لما تقف هتقع تاني ؟ وجايز تشيل فكرة المشي من دماغك او ترجع تفكر فيها تاني قدام 🤔

انهاردة عشماوي معانا في الحلقة ابن التكفيريين الصغير

اها هوا كان بيحمل فكر بس كل لما يتصدم انه عكس فكره يسندوه بفكر تاني زي حادثة الطفل الصغير والراجل اللي مات في الكشك لما قالهم فيه ناس ماتت

قالوا ليه يبعث على نيته 😅

فصدق برضوا

من الاخر إرهابي صغنن كدا تحت الإنشاء 😄

👈 المسلسل بعد اول عملية هشام عملها فعليا وصحي بكابوس كان حاسس انه بيعمل حاجه جديدة عليه مش حاجة غلط ولما كلم صاحبه قاله دانا كنت غيران علشان مكنتش معاكم طريق الجهاد تمنه غالي معرفش تمنه كام بصراحة بس ممكن نسألهم يوم القيامة ان شاء الله 😅

وعلشان تخرج من اللي انه فيه لازم تعمل عملية تانية علشان وفي اسرع وقت 

 الكلام #يتطبع في دماغ عشماوي ميلاحقش أفكاره تاخده وتجيبه لا نفذ ف هتتعود تنفذ علطول معتش هتفكر تاني 

 حتى دارع الراجل الكبير كان قلقان من #عشماوي لانه لسه جديد قاله اصبر عليه....... 

بعدين هشام طلب يعمل العملية التانية اللي في المشهد دا ولو لاحظت مكنش متردد زي كل مره ولا فكر ولا جاب ذكريات زي اول عملية لا قال اضرب ونزل كمان خلص بنفسه وصور ومشي 

  وجاب سلاح الضابط واللي لو ركز كنت هتلاقي الضابط ماسك سلاحه مش راضي يسيبه ودي خلفية لعقيدة "لا اتركه قط حتى اذوق الموت" 💪💙

كدا خلاص كل اللي فات عشماوي وكل اللي جاي عشماوي تاني خالص

 اتعلم يمشي من غير ما حد يقوله لا دا صح او دا غلط او يبرر ليه وطول ما هوا وسطهم بيتعلم اكتر..... 

يعني المخرج مكنش مطلع عشماوي ندمان ولا حاجة زي ما الناس بتقول القصة جاية من الاول ف الموضوع كان جديد عليه مش اكتر الأحداث الجاية بقى على ما اظن هنبدأ تشوف عشماوي ب وش تاني خالص بدون تردد او خوف او قلق خلاص اتطبع على طبعاهم دي تحليل الجزء دا والرد على السؤال اللي كان منتشر ليه طالع بالشكل دا 👌

شوية وهنزل تحليل مشهد كمان في نهاية الحلقة 💙💪

مشهد "تنضيف السلاح"

حوار بين القائد منسي وعشماوي :

 هشام : عاوز أفهم هتخلص تنضيف البندقية إمتي ؟

قائد منسي : أنا لو عليا أفضل ألمع فيها لغاية ما تبقي مراية ، لازم اللي يشوفها من بعيد يعرف انها بندقية أحمد منسي ، لازم تحب السلاح وتحترمه عشان يحبك ويحترمك

 هشام : عاوز تفهمني إن البندقية حاسة ب اللي أنت بتعمله عشانها ، ما في الآخر بندقية زي أي بندقية ، ساعة الجد كله بيضرب نار

قائد منسي : مخلوقات ربنا كلها بتحس ، إشمعني يعني البندقية ؟

 هشام : يا فندم ما انا كل يوم بضربة نار في تدريبات الرماية ، عمري ما حسيت إن فيه بندقية غير التانية ، ولو اديتني بندقية مش هبقي عارف البندقية دي ضربت بيها قبل كده ولا لا !

قائد منسي : عشان كده عمرك ما هتبقي جامد في الرماية ، ولا سلاحك هيديك فرصة طول ما أنت بتعامله كده ، سلاح الفدائي لازم يبقي حتة منه 💪

 هشام : أنت مصدق الكلام ده ، ده كلام إحنا بنقوله وخلاص ، ساعة الجد كله بيضرب نار ، وبعدين إيه يخليني أموت عشان حتة حديدة ، أنا لو مُت وأنا بدافع عنها إيه هيحصل ، بعد ما أموت هتتاخد مني وهتبقي في خدمة اللي شايلها حتي لو كان عدوي ، يبقي ليه أموت عشانها ؟

قائد منسي : عشان تبقي مُت بشرف ، وتقف قدام ربنا وهو راضي عنك ، سلاح المقاتل يعني شرفه ودراعه وصاحبه ، لازم تتعامل معاه إن هو كده ، مش حتة حديدة بتمسكها والسلام ، وسلاحك يوم ما يتاخد منك ، يتاخد منك بشرف فهمت ؟

👈 ملوحظة #اول صورة هي للسلاح الشخصي للقائد منسي الحقيقي 💪🖤

محافظا على سلاحي لا اتركه قط حتى اذوق الموت 🙏

#أحمد_عبدالله

صفحة الكاتب علي الفيس بوك