مسلسل الإختيار تحليل الحلقة ال 12

مسلسل الإختيار الحلقة 12

تحليل اخر مشهد "مشهد الأطفال"

هحط عنوان للمشهد وهقول "قائد الوعي" 💙

قائد منسي لولا اللي عمله مع أهالي سينا مكنتش سينا كانت كدا الوقتي ومكنش هنعرف نعمل حاجه في سينا لولا اتحاد القبائل مع الجيش اهالي سينا فيهم اللي كان بيدعم الإرهاب وفيهم اللي ضده وفيهم اللي مكنش ليه لا ف دا ولا دا

 اهالي سينا كانوا في الوقت دا محتاجين وعي وفهم ومحتاجين يحسوا انهم فعلا مننا والجيش دا بتاعهم وهما جزء منه ودا اللي كان بيعمله قائد منسي غير توعية جنوده دايما ويفهمهم الصح من الغلط 

والمشهد دا لما دخل لما نادي على العسكري يجيب الاكل للست ليه مغزي كبير مع #ابنها اللي بيدور عليه قدام بس مش هقوله علشان محرقش ليك الأحداث لما يظهر هحكيلك عنه وعن شخصيته الحقيقية 🙏

قائد منسي كان قائد فكر ولازم اننا نحارب بالفكر قبل السلاح دي كان عقيدة لأنها حرب من جيل رابع واللي فاهم حروب الجيل الرابع هيفهم انا بتكلم في اي كويس 👌

حتى شوف الطفل في دماغه ايه 

قاله : ايه هتاخد اللقمة اللي احنا هناكلها كمان؟؟ 

والست الكبيرة كمان لما سأل على ام الأطفال

 قالتله: هي مطلوبة هي كمان؟؟ 

دليل على عدم وعي منها للأحداث وبدأت تحس من معاملة منسي ليها بالشكوك بين اللي هي فاهمه واللي بيعمله معاها الوقتي

وقالها شايفة العسكري اللي جابلك الاكل علشان العيال دي تأكل اهوا أبنك بيدور عليه وعلى اللي زيه علشان يقتل فيهم شايفة انه دا يرضى ربنا وانه كدا بيجاهد في سبيل الله؟؟ 

الست بصتها في الأرض بتقول انها كانت فاهمة حاجة وشافت العكس وحست بالندم 

 والحقيقة دا كان كتير من اهل سينا كدا شايفين الجيش بصورة مش صحيحة بسبب الفكر اللي كان مسيطر عليهم ومفيش توعية قائد منسي كان #محارب فكر 💪

اول ما نزل سينا كان بيروح للناس يقولهم انا ابنكم أحمد منسي اللي عاوز حاجه يجيلي علشان الناس تحس بالأمان وتحس فعلا ان الجيش مش بالصورة اللي الإرهاب بيزرعوها فيهم..... قائد منسي مكنش بيعدي على أطفال الا ويتصور معاهم ولو فيه مدرسة بيدخل يتكلم معاهم عن الجيش وحب الوطن 💙

وزي ما قولت المشهد دا خلفية لحجات كتير قدام بس هنتكلم في وقتها علشان متتحرقش 🙏

#محارب_الفكر

#أحمد_عبدالله

صفحة الكاتب علي الفيس بوك

#مسلسل_الاختيار 

= اوعوا تنسوا الكلمة دي يارجالة اسمهم تكفيريين....ليه بقى تكفيريين علشان البهوات قالوا عليا وانت وابوك وامك وأهلك وكل الناس اللي ممشيوش وراهم قالوا علينا كفار يبقى اسمهم تكفيريين ياحسين

- لمؤاخذة يافندم بيقولوا عليهم في التلفزيون والجرايد انهمَ إرهابيين يافندم؟؟

= ياحسين سيبك من كلام التلفزيون ما التلفزيون كمان طلع حرام 😅

ياحسين احنا لازم نعلمهم مش هما اللي يعلمونا كلمة #إرهابي يعني بيخوف وربنا سبحانه وتعالى قال "وَأَعِدُّوا لَهُم مَّا اسْتَطَعْتُم مِّن قُوَّةٍ وَمِن رِّبَاطِ الْخَيْلِ تُرْهِبُونَ بِهِ عَدُوَّ اللَّهِ وَعَدُوَّكُمْ" 💙 

حد خايف؟ 

- لا يافندم 

= طبعا هما اللي لازم يخافوا هما اللي لازم ميناموش من كتر التفكير في اللي هنعمله فيهم ولو ناموا هيصحوا على كوابيس واحنا بنعلمهم الأدب وبنربيهم......مظبوط ؟؟ 

- مظبوط يافندم 

= الناس دي اسمها #تكفيريين لا هما إرهابيين ولا مجاهدين الناس دي كفرتنا واحنا مكفرناش.... حاربونا واحنا معتديناش.... الناس دي متعرفش حاجه عن دين ربنا...... بس احنا ان شاء الله ربنا ينصرنا عليهم علشان ربنا عادل ومطلع وعارف نيتنا وعارف نيتهم...... تمام يارجالة؟؟ 

-تمام يافندم 💪

#قائد_الوعي 💪💙

#مسلسل_الاختيار