مسلسل الإختيار تحليل الحلقة ال 23
مسلسل الإختيار الحلقة ال 23
هنسمي المشهد دا ب "اتحاد قبائل سيناء" 💙
المشهد دا جيه يتكلم فيه مع قادر منسي عن الشيخ حسان وازاي كل شباب سينا كانت بتحبه وازاي كان راجل محبوب ومأثر في اهل سينا كلها والطار بقى طار كل قبائل سينا كبير وصغير وان الشيخ حسان علمهم ان شعب سينا وجيشها جسد واحد وروح واحدة ومات وهوا بيدفع تمن انهم مسمعوش نصيحته ومحققوش رغبته واتأخروا فيها وان الوقتي جيه الوقتي اللي يصحلوا فيه الغلطة دي قاله انا جاي اكلمك باسم شباب #سينا كلهم انا جاي الوقتي احط ايدي في ايدك علشان ناخد ب الطار......و قادر منسي كان مراهن عليه في حلقة سابقة وقاله ل زميلة في الكتيبة هيجي بس اديه وقته يفهم 🤔
مشهد عظيمة في خلفية بتتكلم عن #الجيش طول المده دي كان شايل الحرب كلها لوحده وهي مش كبيرة على رجالتنا اكيد بس بعد ما اتحاد قبائل سينا أعلن عن دعم الجيش في سينا والاوضاع ابتدت تتغير تماما ودا زي ما المثل بيقول "أهل مكه أدري بشعبها" 💙
الحقيقة ان قادر #منسي قدر يكسب اهل سينا كلهم وبقي ايده في ايدهم زي ما قال في أول الحلقات انه الحرب واحدة ولازم الناس دي تفهم اننا بنحارب هنا عشانهم
الحقيقة ان أهل سينا ليهم الفضل علينا بعد #ربنا ودور القوات المسلحة والشرطة في تطهير سيناء الفترة اللي فاتت وقدموا دعم كتير للجيش في الفترة دي وراح منهم شهداء كتير في الفترة دي من أولادهم...
لولا أهل #سينا كان ممكن لسه احنا موصلناش للمرحلة دي الوقتي خصوصا لما يكون متعاون معاك واحد عارف مين اللي غريب ومين اللي قريب وبيقدملك كل المعلومات الكافية عنهم عكس الأول انك كنت بتحارب عدو #عصابي لابس زيه زي البدو يعني ممكن تنزل في مكان متعرفش اللي مقابلك دا عدوك ولا من أهل سينا والحقيقة انهم كانوا شايلين ايدهم من الموضوع دا خالص وناس كتير على مقربة مني قبل الفترة دي بتقولي هما عايشين وسطينا احنا في حالنا وهما في حالهم لأنهم حتى لو عرفوا ان حد بيحاول يتعاون مع الجيش او الشرطة كانوا بيقتلوا للأسف ف كانت الناس بتخاف....
بس قادر #منسي كان مختلف قدر يكسب حب الناس ولمهم حواليه كان بيحارب #بالفكر والوعي
أهل سينا الفترة دي عادت أمجاد مؤتمر #الحسنة اللي أدوا فيه #اليهود صفعة مدوية فيما كان مرتب ليه بإعلان سينا دولة مستقلة عن مصر 🇪🇬
المشهد دا فيه ترابط وقوة..... قوة شعب في ضهر جيش 💪
اصل احنا كلنا جيش عامل نفسه شعب 🖤🔥💪
كل واحد بيحارب بطريقه شكل
انا وغيري بنحارب ب #الوعي وأننا نفهمك الحقيقة
غيرنا بيحارب بسلاح علشان يحميني ويحميك
الدكتور بيحارب المهندس بيحارب.... كلها جيش 💪
مصر عظمية جدا وشعبها أعظم 🖤
ليست هناك تعليقات:
إرسال تعليق