مسلسل الإختيار تحليل الحلقة ال 25
تحليل مشهد "قادر منسي والشاب خالد"
سأل قادر منسي في المشهد دا وقاله باللفظ هوا انت بقى مش عاوزين تخلصوا الليلة دي ولا انتوا يعني مش عاوزين تخلصوها زي ما الناس بتقول
مشهد من قلب الواقع اللي عايشين فيه بين واحد بيساق ورا كلام السوشيال مديا والتعليقات زي تعليقات اغلبنا سمعها قبل كدا...
👈الجيش عاوز الوضع يفضل كدا في سينا
👈 الجيش هوا اللي بيقتل العساكر في سينا
👈 الجيش هوا اللي سايب الإرهابيين لو عاوز يخلص هيدخل يخلص علطول.....
وغيره من الاتهامات الكتير لاخواتنا في سينا... تخيل كدا يبقى اخوك شهيد وتبقى قاعد في مكان تلاقي شباب ملوش لازمة كله همه الهبد ويحسسك ان قائد معركة اليرموك
تسمعه يقولك الجيش اللي بيقتل عساكره او اي كلام من اللي فوق....
طب تخيل معايا ام شهيد بتتصفح على الفيس تلاقي كومنت بيقول ان اللي بيروح الضباط والعساكر والقادات قاعدة في المكاتب.... تخيلت احساس اَلقهرة ان ابنها استشهد علشان جيل مفيش عنده وعي كامل وللأسف الإعلام عندنا عاوز وعي اصلا علشان يقدر يوعي الناس 😑
نكمل....
رد قادر منسي اللي انا مسميه #قائد_الوعي وكان كله حربه بالوعي قبل السلاح ومهم الناس تعرف انت بتحارب ليه وعلشان اي وسياسة الحرب دي اي وقاله
على كل اللي الناس بتقوله وهوا عارف كلامهم....... قاله متخليش كل واحد يقولك #كلمتين تصدقهم #فكر في الكلام قبل ما #تقوله
ولما قاله هما بيتكلموا على #القيادات
👈 قاله طيب مفيش عسكري فاهم ولا ضابط يطلع يقول الكلام دا مثلا....... يعني هي العيال اللي هربانه في قطر وتركيا واللي قاعدين على الفيسبوك طول النهار هما اللي فاهمين كل حاجه؟؟؟
هما محنكين السياسة والخطط العسكرية وقتها افتكرت. عبدالله الشريف وهوا طالع يرد على رائد بالمعاش محمد طارق الوديع وبيقوله "أنت بتقول انه قوات صاعقة طب مخدتش بالك ياسيادة الرائد من كلمة صاعقة اللي على دراع الافارول.... متخيل عبدالله الشريف اللي معندوش ابسط معلومة ان طالب الكلية العسكرية بياخد صاعقة وبيعلق الشارة بتاعتها؟؟؟ مش عارف معلومة بسيطة زي دي وطالع يعمل فديوهات ويهاجم الجيش؟؟
انت متخيل الشباب على السوشيال مديا مصدقة كلام واحد دماغه بتفكر ازاي؟؟؟ 🤔.....
وبعدين
منين بتقول ان الجيش المصري من اقوى 10 جيوش في العالم ومنين بتقولوا مش عارفين تخلصوا على شوية عيال زي دي؟ 🤔
👈 قادر منسي : يعني اللي حصل في الامريكان والروس دا كان اي طب بلاش اللي حصل في العراق والصومال؟؟
مش كل دول جيوش زينا وبعدها اتكلم قادر منسي عن
#حرب_الشوارع. وهي 👇
.
حرب العصابات (Guerrilla warfare) هي حرب غير تقليدية، بين مجموعات قتالية يجمعها هدف واحد وجيش تقليدي، حيث تتكون هذه المجموعات من وحدات قتالية صغيرة نسبيا مدعمة بتسليح أقل عددا ونوعية من تسليح الجيوش. وتتبع أسلوب المباغتة في القتال ضد التنظيمات العسكرية التقليدية في ظروف يتم اختيارها بصورة غير ملائمة للجيش النظامي. ومقاتلوا حرب العصابات يتفادون الالتحام في معركة مواجهة مع الجيوش التقليدية لعدم تكافؤ الفرص، فيلجأون إلى عدة معارك صغيرة ذات أهداف استراتيجية يحددون هم مكانها وزمانها بحيث يكون تأثيرها موجعا للخصم. والاسم الأجنبي أصله إسباني ويعني الحرب الصغيرة. لو عاوز تفهم اكتر هسيب ليك لينك في أول تعليق فيه كل حاجه عن #حرب_العصابات
نيجي لبعد كدا
لقطة كويسة جدا في شرح مكافحة الإرهاب
قادر منسي قاله
👈 الأولى انك تحمي المدنيين اللي ملهومش ذنب
👈 التانية انك تحافظ على رجالتك
👈 التالتة انك تصفي الإرهابيين.
وبعدين حلل الكلام
👈 انك لو حاولت أنك تحافظ على قواتك وتصفي الإرهابيين هتعرض حياة ناس كتير للخطر لأن الكلاب دول مستخبيين وسطيهم
👈 لو حاولت انك تحافظ علي قواتك والمدنيين مش هتعرف تلم الكلاب دول
👈 احنا بقى أخذنا الإختيار التالت مع انه أصعب واحد فيهم اخترنا اننا نحمي المدنيين اللي ملهومش اي ذنب وفي نفس الوقت نصفي الإرهابيين دا َمعناه اننا مش هنقدر نحمي الرجالة بتاعتنا بشكل كامل وهيبقي عندنا ضحايا والموضوع هياخد وقت أطول فهمت؟؟
اتمنى يكون فعلا الناس فهمت المشهد دا اتمنى كل واحد يعرف حد بينقل كلام يعمله منشن ويفهم الأمور ماشية ازاي
بس في الاخر أبطالنا بيعملوا كدا ومش عاوزين حد يعرف هما بيعلموا اي هما فاهمين معركتهم كويس وفاهمين بيقدموا ايه وبيضحوا بايه 💪
#أحمد_عبدالله
ليست هناك تعليقات:
إرسال تعليق