مسلسل الإختيار تعرف على شخصية الشاب خالد الحقيقية ‏

مسلسل الإختيار 

فيه تعليق عجبني جدا وحبيت اتكلم عنه هوا مين الشاب خالد هوا شخصية حقيقية.... 🤔

الشاب خالد اللي ظهر في مسلسل الإختيار مش شخصية حقيقية لا دا شخصية واقعية موجودة حواليك وحواليا الشاب خالد في المجتمع عندنا منه كتير وأنواع

👈 فيه الشاب خالد زي اللي قاعد مع قائد منسي كدا بيسمع ويجي يسأل واحد فاهم ويخليه يقنعه علشان يعرف الصح ويفهم خد العلم من اهله يعني

👈 فيه الشاب خالد اللي بيسمع وبينقل ودا واحد مساق تقريبا كل همه انه يبقى واحد عامل نفسه فاهم في كل حاجه وهوا مثلا ولا دخل جيش ولا يعرف مثلا شكل افارول الجيش دا لا اي ولا دا لاي

👈 فيه الشاب خالد اللي مقتنع ان الجيش صح وبيعمل الصح وعارف وفاهم من غير ما يسمع ولا ينقل ولا كلام يتقال ان مش كل حاجه لازم انت تبقى عارفها ولا بيصدق اي كلمة مهما حصل من فبركة وكلام فاضي لانه مقتنع ان الجيش دا اخوك واخويا مش جيش مرتزقة ف مريح دماغة ومش همه مين قال ومين عاد ..........

 المتحدث العسكري السابق ف مؤتمر اتكلم فيه عن موضوع الجزيرتين بتوع #السعودية الناس فاهمة الموضوع غلط وفاهمة ان حقها تفهم كل حاجة فيه قضايا بتبقى تمس أمن وطن ومعلومات محدش ينفع يعرف عنها حاجة وقتها قال

"ليس كل ما يعرف يقال" يعني مش اي حاجة انت عرفتها ينفع تتقال فيه كلام مينفعش حد يعرفه......

بس اللجان الإلكترونية انا بعترف انها متفوقة علينا جدا في نقطة السوشيال مديا وخصوصا نشر الأكاذيب اللي بتربي الاجيال الجديدة عليها واللي بدورهم بيهاجموا اي حاجة بتحصل في البلد 

👈 من اول هوا احنا بتشتري سلاح ليه؟؟ مش احنا فقرا اوووي 😅

👈 لحد موضوع الجزيرتيين 

👈 لحد فديو عبدالله الشريف اللي بيصور برنامج من الخارج ممول ومصروف عليه مونتاج ب ملايين وفيه شباب كتير ماشي وراه..... وهوا ميعرفش افارول الجيش بتاع الصاعقة من الافارول العادي......... تخيل انت بتاخد معلومات من واحد جاهل بيقرآ اسكريبت وانا ممكن اقعد ل عبدالله دا على كل فديو وارد عليه بس مش دا اللي يترد عليه عموما 😅

👈 لحد موضوع ابن تيمية اللي قلب الرأي العام في بداية مسلسل الإختيار ولما الاخراج رد في الحلقة ال 20 طلعوا برضوا وقالوا ان تم تعديل المسلسل علشان الرأي العام 

طب ثواني هوا انتوا مفكرين ان النظام اصلا بيعملك حساب؟؟ 

مفكر انك رايك الباطل اللي واخدة من واحد باطل يهمه رأيك؟؟ 

وعندنا اكبر مشكلة برضوا هي الإعلام بتاعنا اعلام محتاج إعادة هيلكة بالكامل محتاج كوادر شباب تقدر تتكلم مع الشباب وتفهمهم...... غير شوية العواجيز اللي مفيش عندهم منهج جديد يقدر الشباب يستوعبه علشان كدا اي حد هيسمع منهم هيقول عليهم #معرضين برضوا 

وائل غنيم في فديو قبل كدا قال 

" ان الحكايات اللي بتتحكي عن الاخوان وعن اللي كان بيحصل في مصر حقيقي بس بيتحكي علي كلام ناس عبيطه زي اعلام زي احمد موسي واشكاله" 

ودا راجل ناشط سياسي يعني مش بيطبل للجيش ولا النظام.......

المسلسل دا مش مجرد مسلسل على #ابطال_مربع_البرث 

المسلسل دا قضية وعي غايب من سنين من وقت ما الثورة جت وكل دا حصل من وقت ما غاب دور الوعي للشباب والبرامج بقت مقتصرة على حجات ملهاش لازمة او واحد قاعد ومش عارف يوصل معلومة ف يتقال عليه #معرض للنظام 

القضية قضية هوية عاوزين يمحوها عاوزين يوقعوا بين الجيش والشعب وميعرفوش اننا كلنا جيش عامل نفسه شعب... 🇪🇬 

نفس الكلام فيه ناس هتقرأه هتقول اني على حق وناس تانية هتقول اني برضوا #معرض للجيش او النظام 

مع اني كنت اكتر واحد العن منك بالضبط وكنت عيل مش واعي وبصدق اي كلمة بتتقال بس لما تسمع كلمة فكر واعرف الهدف من وراها اي َواسأل واعرف اللي وصلك الكلمة دي هدفه ايه وهدفه يملي دماغك ب ايه........

اتمني فعلا يكون المسلسل وصل للناس رسايل كتير كانت غايبة عنهم واتمنى اكون حققت دور في معركة الوعي طول الشهر بالتحليلات لاني انا بحاول اساعدك متبقاش نسخة مني زي زمان لاني لما بفتكر نفسي وقتها بحس اني كنت عبيط اوي وكلمة تاخذني وكلمة توديني.....

 دمتم بخير وسالمين 💙 

#معركة_الوعي 

#أحمد_عبدالله