مسلسل الإختيار تحليل الحلقة ال 29
👈 تحليل بعض المشاهد المهمة في الحلقة طويل شوية بس المعلومات هتفيدك 💙
👈المشهد الأول "قتل عمر رفاعي سرور"
👈 مين عمر رفاعي واي حكايته؟؟🤔
عمر الرفاعي سرور قاضي تنظيم المرابطين في درنه ومفتيهم و احد مساعدي هشام عشماوي
وبالفعل هو ابن رفاعي سرور جمعه.... وابوه ده هو ابن تنظيم #الاخوان وامتداد سيد #قطب و أمام السلفيه الجهاديه واستاذ وصديق ايمن #الظواهري قائد تنظيم #القاعده وشيخ السلفيه الجهاديه ومات سنه 2012 وحازم أبوإسماعيل عمله نعي وايمن الظواهري كذلك .....
وبالنسبه لابنه #عمر قتل في درنه بلبيا عام 2018 أثناء انضمامه للتنظيمات الإرهابيه قبل القبض على #هشام_عشماوي
وكان بالفعل صاحب حلقه الوصل بين ايمن الظواهري وتنظيم القاعده في ليبيا....
مات في غاره طيران 2018 في درنه لكن لم يؤكد موته الا لما اتقبض علي عشماوي .. واولاده ومراته كانوا مع عشماوي لما اتمسك
وهوا المشارك مع #عشماوي في بناء جماعة #المرابطون بعد رفضهم البيعة ل أبوبكر البغدادي.........اظن كدا كل حاجه واضحة قدامك زي الشمس اللي بعده 😁
....
.👈 المشهد التاني
"الشهيد البطل وائل كمال"
قدام قبر الشهيد البطل أحمد منسى..... قصته ايه وقاله الكلام دا ليه
الأسم : وائل كمال الشهير (فايتر)
تاريخ الاستشهاد: ٢٠/١٢/٢٠١٧
آخر كلامه
( أنتوا زعلانين ليه ده أنا رايح لحبيبى )
يقصد احمد منسى 🖤
وصيته: يدفن جنب حبيبه منسي
بعد إستشهاد القائد /احمد منسي طلب نقله الكتيبه ١٠٣ مكان البطل الشهيد /احمد شبراوي وكان إصراره غريب في إنه يتنقل نفس الكتيبه بأي طريقه وبأي شكل من الأشكال وقال حرفيا علشان لما أقابل القائد ادخل عليه وفي ايدي كام جثه من جثث الكلاب مينفعش ادخل عليه بإيدي فاضيه..
صدقت واوفيت يا وائل وأشهد أنك قلبك حديد لكن حنين وجدع انتم صح واحنا ربنا يتولانا ونعرف نشوفكم تاني يارجاله.....
مش هحكي تاني لكن طالما ذُكر القائد لازم نقول مين وائل كمال ربنا جمعكم على محبته في الدنيا وبإذن الله في الجنه ربنا يهنيكم مع بعض اذكرونا عند ربكم ربنا يجمعنا على خير بإذن الله ..🖤
ربنا يصبر والدتك ويصبرنا على فراقك .
👈 المشهد الثالث
"احمد السقا وهشام عشماوي"
قاله سمعت انك عاوز #مصحف تقرأ فيهَ...... دا جايلي في عزا حد غالي اوووي عليا الشهيد #درويش اللي انتوا قتلتوا في حادث الفرافرة اكيد مش هتبقى عارفه طبعا.....
هشام كان في المشهد دا متجمد ولما جيه يتكلم ويقوله الأمام ابن تيميه
قطع عليه الكلام وقاله... "بشر الإمام ابن #تيميه بشر يجتهد وقد يخطئ وقد يصيب ومفيش حد معصوم من #الغلط....انما اللي زي حالاتك بقى هما اللي خدوا الكلام وحولوا ل جدالية وتقويل بالبلدي كدا كل واحد على #مزاجه.....
يابني ربنا سبحانه وتعالى هوا #العدل المطلق #الحق المطلق #السلام المطلق هوا الغاية والهدف والدين ماهوا إلا وسيلة للغاية والهدف تظل الحقيقة الوحيدة اللي مفيهاش #شك ياهشام هوا #ربنا سبحانه وتعالى......
رد عشماوي وقاله: الرسول صلى الله عليه وسلم رفع #سيفه...... قطعه ورد عليه
الرسول صلى الله عليه وسلم رفع سيفه لحماية #الإختيار مش لفرضه.....
لاحول ولا قوة الا بالله يابني انت كنت ضابط #صاعقة يعني المفروض انك #شجاع ومبتخفش ليه مصر متعترفش انك كنت ماشي ورا شوية عيال شغلتهم القص واللزق في كلام #ربنا علشان يوصلوا للي هما #عاوزينه......
نركز بقى في الكلمتين اللي بعد كدا لما قاله
👈 بص ياهشام احنا مش هنسيب اللي مشغالينك يلعبوا في دماغ اللي زيك تاني.... واديك شوفت من الاخر كدا احنا مش بنسيب #طارنا ولا بنسامح اللي غدر بينا.... ومش هنسيب اللي زيك.... ولا اللي مشغالينك..... ولا الأجهزة اللي مشغلة اللي مشغالينك 😉
اظن الرسالة وصلت كدا #الأجهزة اللي مشغلة اللي مشغالينك وكدا الرسالة وصلت مش للمجتمع المصري ولا العربي الرسالة وصلت للمجتمع الدولي كل واحد ليه حساب وشارك في اللي حصل في #مصر وفي #سينا دوره جاي بس كله بالدور وكل واحد بيحاول يشوه صورة الجيش والشرطة دوره جاي 😎
من الاخر كدا
"العفي محدش يقدر يأكل لقمته" 💙
...
👈 المشهد الرابع
"مشهد تنفيذ حكم الإعدام على هشام عشماوي"
لأول مره منذ تفيذ حكم الإعدام على هشام يظهر فديو زي دا يعني انا اول مره اشوف الفديو دا الفديو دا اول مره يطلع للنور..... اخر الفديو قاله عاوز تقول حاجة ؟؟
قاله مبقاش ينفع خلاص.......
#أحمد_عبدالله
ليست هناك تعليقات:
إرسال تعليق