مسلسل الإختيار مشهد الضابط وائل الاعرج ‏

قادر منسي : الله أكبر عليك ياوائل 💪🔥

من ملحمة البرث ( وائل الأعرج ) 

الضابط البطل وائل الأعرج من قوة الكتيبة ٨٣ صاعقة و اللى ليها تواجد فى البرث ببعض العناصر القليلة الضابط وائل كان يادوب يوم ١/٧/٢٠١٧ معلق ملازم أول و كل خدمته يادوب سنتين لكن لأن البطل يولد ولا يصنع كان بطل إستثنائى جداً أثناء الهجوم على البرث فى ٧/٧/٢٠١٧ وائل كان نايم فى اليوم ده فى مبنى قريب من المبنى اللى فيه الشهيد منسى و الرجالة و عساكره فى المبنى اللى جانبه و بيقولى مش عارف ازاى انا من التعب و الإرهاق ولا سمعت ضرب النار ولا التفجير مع ان ده مش طبيعى لكن جه بعد التفجير عسكرى صحانى و قاللى يا فندم فيه مفخخه انفجرت فى الكمين قمت منفوض انا و دفعتى دخلنا البلكونه موطيين و ضرب النار شغال من كل حته حولينا و بيضربوا علينا بطلقات صُلب بتخترق الحيطان و بقينا نطلع نبص بصة و نضرب و ننزل تانى و بعدها قلت لازم اخرج من المبنى ده و اروح لعاسكرى خاصتاً انى بصيت على المبنى اللى فيه الشهيد منسى لقيته متدمر و قلت لا مبنى زى ده مفيهوش حد عاش مؤكد كلهم أستشهدوا فكل اللى كان فى تفكيرى عساكرى عايز اروحلهم بأى شكل نزلت جرى انا و دفعتى هو قرر انه يطلع على السطوح يشتبك من فوق وانا قررت اجرى ادخل مبنى عساكرى و أبقى معاهم و اطمن عليهم و اطمنهم نزلت جريت و الضرب من كل ناحيه دخلت لقيت عساكرى بيتعاملوا من ورا الشبابيك و كانوا أبطال و بدأوا يتصابوا واحد ورا التانى مسكت شباك و اخدت ساتر كانوا التكفيريين بيحاولوا يطلعوا المبنى اللى ورانا اخدت مكان الصف ظابط اللى معايا ورا شباك كاشف السطح اللى بيحاولوا يطلعوه و بدأت أضرب اى حد يطلع وقعت منهم أكتر من واحد بالحركة دى لأنى شايفهم و هما مش شايفينى و السطوح مالوش سور عالى فهما مكشوفين بالنسبه ليا و بعدين خليت الصف ظابط ياخد المكان ده و نزلت انا و عسكرى نشوف العربية اللى تحت عليها نص بوصة نضرب بيه لقيته مضروب و احنا راجعين اتضرب علينا شوينا فى الارض بسرعه اضرب علينا تانى هو اخد طلقة فى رجله و أنا أخدت طلقة فى الفيست و زحفنا شوى و رجعنا دخلنا المبنى لما دخلت لقيت عساكرى كلهم مصابين ما عدى عسكرى و صف ظابط بس هما اللى لسه ما اتصابوش و مش هنسى عسكرى مصاب عايز يدينى خوزته بيقولى يا فندم خُد الخوذه بتاعتى إلبسها قلتله و أنت أحسن منى !!؟ خلى خوذتك على راسك جالى بعدها من تحت الارض مش عارف جالى ازاى و منين عسكرى سواق من رجالة ١٠٣ قلتلهم هاتوا مفتاح العربية اللى تحت بسرعه و اديتهوله و قلتله انزل اركب العربية هنزلك كل المصابين و اخليهم من هنا اتحرك بعيد عن الكمين وفعلاً نزلت كل المصابين و فضل معايا الصف ظابط و العسكرى السليم و السواق نجح انه يخلى برجالتى المصابين و طلعت و بدأت أعمر الRBG و أضرب عليهم فى كل الإتجاهات و قعدت ازعق و أشتم و أقولهم تعالوا يا ولاد ال...... احنا هنا أهه و فضلت أضرب دانات RBG ( فى الوقت ده الشهيد منسى بيقول بصوت عالى الله أكبر عليك يا وائل لكن وائل لا سامع و لا عارف انهم لسه عايشين و فاكرهم أستشهدوا و قرر يتعامل لوحده عليهم ) و الصف ظابط بيضرب على السطوح اللى ورانا و العسكرى يذخرلنا و يضرب لحد ما الطيران جه و الدعم وصل و سمعت النص بوصة بتاعنا بيضرب و بدأوا يجروا و يهربوا طلعت على السطوح لقيت العسكرى الخدمة بتاعنا وشه مالوش معالم من كتر الضرب و لقيت جثث تكفيريين و كمية سلاح مرمية على الأرض من سلاحهم مالحقوش يلموه من اللى ماتوا منهم و بعدها روحت أشوف المصابين و الشهداء مع اللى فاضلين فى المكان وائل كان بطل إستثنائى و اللى حكيته ده ميجيش ربع اللى عمله فى اليوم ده

 وائل موجود و مشرف الصاعقة و مشرف دفعته الدفعه ١٠٩ حربية دفعة الشهيد أحمد خالد زهران و البطل أحمد عبد اللطيف اللى كانوا معاه فى نفس الكتيبة اللى اتخرجوا عليها مع بعض وائل فرحه كان الجمعة اللى فاتت ، ألف شكر يا بطل على رجولتك و إستبسالك و ألف مبروك يا بطل الأبطال و عرف عروستك و أهلها أنهم أخدوا بطل من خيرة أبطال مصر بارك الله لكما و بارك عليكما و جمع بينكما فى خير ❤️