مبدأ "ليس كل ما يعرف يقال" للمتحدث العسكري السابق العميد محمد سمير
مبدأ "ليس كل ما يعرف يقال" 💙
فديو قديم للمتحدث العسكري السابق العميد محمد سمير في مؤتمر.....
كان بيتكلم فيه عن قضية تيران وصافير وعن الصفقات التسليحية للقوات المسلحة.....
وان كتاب كبار بيطلبوا من الدولة انها تقول كل الحقائق والإسرار ورا الموضوع دا...... وقال ازاي يعني ؟؟
فيه حجات كدا مفيش فيها هزار تبوظ علاقات ب دول
👈 وانك لازم تبقي واثق في الناس اللي بتتعامل في القضية وقضايا الأمن القومي الناس اللي فاهمة في دا وبتديره علي اكمل وجه..... مش نبيع ارضنا والكلام اللي كنا نقعد نسمعه دا
مين دا اللي يبيع أرضه؟؟
الناس اللي طول عمرها اكل عيشها ان محدش ياخد مننا مللي؟؟؟
👈 لازم تفهم ان اللي بيحصل حاليا مفيش فيه هزار وان اللي بيدير الحجات دي فاهمين فيها كويس اووي وان الحجات دي محدش ينفع يتكلم فيها
ف دايما كدا قول ل نفسك "ليس كل ما يعرف يقال".....
👈 هوا دا المبدأ اللي انا ك احمد ماشي بيه ان مش كل حاجه لازم افهمها وزي ما قولت هنتكلم في #معركة_الوعي
وحبيت اقدم حاجه توعي الناس اكتر وتفهم الناس فيه اسئلة كدا مينفعش انت اصلا تسألها
يعني مينفعش مثلا تقول اساسا مصر بتجيب السلاح المعين دا ليه؟؟ 🤔
فيه حجات كدا مينفعش تتكلم فيها من الاساس مش معني انك معاك فون متوصل بالنت وبقي ليك صفحة علي السوشيال مديا انك هتلاقي كل اجاوبتك وانك من حقك تفهم كل حاجة..... مينفعش خالص اسئلة كدا زي اللي بتجيلك في ال overthingkings بعد الساعة 12 هي ليها اجابة قبل 12 بس بعد 12 بتجيلك تاني مينفعش اصلا تسألها........
#بستغرب لما القي حد بيعملي تعليق علي هجوم #مربع_البرث ويقولوا ان تم التقصير معاهم واللي سكت لازم يتم محكامته ويعيش دور المحنك #العسكري
او اللي بيجيي يتكلم عن نقط تأمين الكماين وفجأة بقي مهندس ويقولك ليه متعملش #انفاق تربط الكماين من تحت ببعض....
هوا ليه الذخيرة بتخلص؟؟
هوا ليه الدعم بيتأخر ؟؟
طيب انت عرفت منين انهم مقصرين معاهم؟؟
تعرف اي عن طبيعة كمين ونقطة ارتكاز؟؟
تعرف اي عن طبيعة حرب العصابات؟؟
تعرف اي عن طرق مكافحة الإرهاب؟؟
متعرفش.... يبقي تسكت مينفعش تسأل اصلا....
سؤالك اللي مش هتستفاد منه بحاجه دا بيعمل بلبلة وشوشرة في حجات مينفعش حد يتكلم فيها
شكوك في #قيادات جيشك اللي هما خالك او عمك او ابن عمك او اخوك.......دا اكبر غلط #الجيش دا من قبل 73 وهوا واقف علشان يحميك وهقولها وجايز تضحك عليها بص علي دول المنقطة العربية وبص علي دولتك و جيشك
في كلام كدا زي ما قال العميد محمد سمير مفيش فيها هزار.......
ف لو دمك محروق علي اللي ماتوا ادعي ليها وانت ساكت وقول الحمدلله دول ماتوا علشان نعيش مش تشكك وتقول كلام ملوش اساس من الصحة وتركب الموجة مع #الذباب الالكتروني........لانك لو دمك محروق مش هيبقي زي اصحابه اللي بتجيب حقه ومش هتبقي زي اهله اللي اتحرمت منه
#ليس_كل_مايعرف_يقال
#معركة_الوعي
#أحمد_عبدالله
ليست هناك تعليقات:
إرسال تعليق