مسلسل الإختيار تحليل الحلقة ال 27

كل اصحابي واللي قريبيين بيقولوا ان وقت #ملحمة_البرث هتبقى صعبة عليهم..... وانا كنت شايف غير كدا خصوصا اننا ادمن في صفحة عسكرية كبيرة بتدعم الجيش ف كنت دايما اقول للادمن اللي معايا احنا متعودين وبنسمع الاخبار دي دايما وبنعرف اول ناس زي َما سمعنا #القاضي على الجهاز يوم العيد الصبح وقت التكبيرات والناس معرفتش الا بليل في أول يوم العيد وزي ما سمعنا عن البطل مصطفى عثمان اللي انقذ محيط السوق والموقف والمسجد بمنطقة الرفاعي لما قرر يسيب محيط الكمين ويموت الإرهابي قبل ما يفجر نفسه وبعدها استشهد واحمد إدريس ورامي حسانين وشوشة وشويقة كل الناس كنا اول ناس بناخد الصدمة علطول قبل أي حد ودا اللي بحلل فيه طول الشهر بناء على المعلومات اللي احنا عرفناها طول الفترة دي....... لكن المشهد الاخير من حلقة انهاردة غير فهمي اني ممكن ابقى عادي كنت مفكر أن الموضوع هيكون تمثيل قدامي لاني فاهم وعارف الواقع بس الاخراج ليه دور تاني المشهد الاخير انهاردة هيهز #المجتمع المصري كله وبكرة المجتمع المصري كله هيعيط على اللي هيحصل في أول الحلقة، حلقة انهاردة قفلت عند بداية الهجوم على الكمين المشهد دا هز قلبي لدرجة اني حسيت اني بسمع خبر من أخبار شهدائنا زي المرات اللي فاتت وقت ما كان مصطفى في الكمين ومصر في التصفيات ومحدش واخد باله وقت ما كان قاضي في الكمين والناس بتصلي العيد وبرضوا محدش يعرف........ أبطالنا عمرهم ما طلبوا حد يتكلم عنهم ابدا لأنهم رايحين هناك لهدف وهوا #الشهادة

وعلى رأي قادر منسي مينفعش تطلب الشهادة الا لما تعيش #شهيد 🖤

حابب اشكر طقم العمل بالكامل بالمخرج بالانتاج والفنان أمير كرارة اللي مكنتش مقتنع بيه خالص وكنت شايف انه مش هيقدر على دور زي دور قادر منسي

بشكر كل واحد شارك في #معركة_الوعي 💛

#أحمد_عبدالله